Vanja

Ny vanja dia vovo-javatra simika tranainy mora mirehitra sy mipoaka ka ampiasaina amin' ny fanaovam-bala fitifirana amin' ny basy na tafondro na zavatra hafa.

Noforonina tany Sina tamin' ny taonjato faha-9 angamba ny vanja, avy eo niparitaka tsikelikely tany Eorôpa sy Azia hatramin' ny taonjato faha-13. Nampiasaina tamin' ny tafondro sy basy izy, io no hany vovoka simika mora mipoaka fantatra hatramin' ny taonjato faha-19. Ny vanja dia tsy ampiasaina intsony amin' izao fotoana izao amin' ny fitaovam-piadiana môderina sy amin' ny fampiharana indostrialy, noho ny fahombiazany ambany raha oharina amin' ny zava-mora mipoaka hita vao haingana. Ny fampiasana azy amin' izao fotoana izao dia voafetra amin' ny fitaovam-piadiana tranainy sy fitaovam-piadiana fitifirana amin' ny fanatanjahantena, amin' ny tsipoapoaka sy ny afomanga.