Adijady (zana-pehintany)

Ny Adijady na Zana-pehintany Adijady na Trôpikan' ny Adijady na Trôpika Atsimo dia anisan' ny fehintany dimy aseho amin' ny saritany. Ny laharam-pehitaniny dia 23° 26′ 22″ S amin' ny ila-bolantany atsimo izay manakaiky indrindra ny fehiben-tany izany, Eo amin' io zana-pehintany Adijady io no ahitana amin' ny faritra atsimo indrindra amin' ny ila-bolantany atsimo ny masoandro eo an-tampon-doha, amin' ny fotoana mahalava indrindra ny andro mitaha amin' ny alina, isaky ny 21 Desambra. Ny faribolana efatra hafa dia ny zana-pehintany Asorotany hita any amin' ny ila-bolantany avaratra, ny fehiben-tany (na ekoatera), ny fehin-tendrontany avaratra ary ny fehin-tendrontany atsimo.

Jeôgrafia sy toetany

Ny mirasanda amin' ny trôpikan' ny Adijady eny amin' ny ila-bolantany avaratra dia ny trôpikan' ny Asorontany, ny laharam-pehintan' ny trôpikan' ny Asorontany dia 23° 26′ 22″ N.

Ny velarana any atsimon' ny trôpikan' ny Adijady dia lazaina hoe velarana tempere, satria ny toetany any atsimon' ny trôpikan' ny Adijady dia tsy mafana sady tsy mangatsiaka. Ny tohi-tsikilaonina trôpikaly dia avy amin' ny fiakaran' ny rivotra mafana avy ao amin' ny faritra manodidin' ny fehibe miakatra makeny amin' ny tendrontany, ny rivotra miainga avy ao amin' ny fehibe dia rivotra "maina" sady mafana, ary maivana izy noho ny hamainany. Ny rivotra lasa tao amin' ny faritra manodidina ny fehibe dia mampisy ny jotsotsindry. Io josotsindry io dia manintona ny rivotra "mando" avy any amin' ny trôpika (avaratra sy atsimo), ny rivotra avy amin' ny trôpika avaratra sy atsimo dia mifanena eo amin' ny faritra lazaina hoe Toerana ifanojoana intertrôpikaly na zone de convergence intertropicale.