Sela

Selan-javamaniry

Ny sela no singa biôlôjika fototra ara-drafitra sy miasa amin' ny zavamananaina. Izy io no singa velona kely indrindra, afaka mitombo isa amin' ny fomba mahaleo tena.

Voaforon' ny sela iray ihany ny zavamananaina maro: ireo dia zavamananaina tokan-tsela, toy ny bakteria sy ny arkea ary ny ankamaroan' ny prôtista. Voaforon-tsela maro ny hafa: ireo dia zavamananaina maro sela, toy ny zavamaniry sy ny biby. Misy sela maro, izay miovaova isa arakaraka ny karazan-javamananaina, ireto farany ireto; ny vatan' olombelona, ohatra, dia manana sela manodidina ny iray hetsy lavitrisa (10¹⁴), sady onenana bakteria miisa avo iray ka hatramin' ny folo heny, izay anisan' ny mamorona ny mikrôbiôta ao aminy ary kely lavitra noho ny selan' olombelona. Tsy hita afa-tsy amin' ny mikrôskôpy ny ankamaroan' ny selan' ny zavamaniry sy ny an' ny biby, satria manana savaivo eo anelanelan' ny 10 sy 100 µm.

Avy amin' ny sela hafa efa nisy teo aloha foana ny sela, ary mirakitra ny fampahalalana momba ny fototarazo ilaina amin' ny fiasany sy amin' ny fampitana ny lova ho an' ny sela ao amin' ny taranaka manaraka.

Niseho teto an-tany, fara fahakeliny, 3,7 lavitrisa taona lasa izay, ary angamba efa tany amin' ny 4 lavitrisa taona lasa, ny sela voalohany.

Jereo koa

• Siansa
  • Hairafibatana
  • Zavamananaina
  • Zavamaniry
  • Biby
  • Tambatsela
  • Taova
  • Fitaovana (biôlôjia)