Savoka (ala)
Ny savoka dia ala naniry indray aorian' ny faharinganan' ny ala aorian' ny fanimbana nataon' olombelona, toy ny fitrandrahana ala amin' ny fikapana ambany loatra ny fototry ny hazo na fanadiovana ny ala ho an' ny fambolena (fanaovana tavy), na trangan-javatra voajanahary niteraka fahasimban' ny ala. Misy karazany roa fiverenan' ny ala haniry indray, dia ny fanavaozam-pitsiriana voajanahary sy ny fanavaozam-pitsiriana ataon' ny olombelona (ala nambolena).
Tsy mitovy amin' ny fanirin' ny ala indray aorian' ny fikorontanana voajanahary (vokatry ny afo, ny bibikely, na ny rivotra) ny fitomboan' ny savoka aorian' ny fitrandrahana hazo, satria mitoetra ny hazo maty ka manome otri-tsakafo sy manome rafitra ary mitahiry rano aorian' ny fikorontanana voajanahary.
Tsy mitovy amin' ny ala voalohany (ala tsy vaky) ny savoka eo amin' ny firafiny sy ny fahasamihafan' ny zavamananaina ao aminy; na izany aza, mbola mety hanampy amin' ny fanomezana toeram-ponenana ho an' ny karazan-javamananaina teratany izy ireo, amin' ny fitehirizana ny faritra misy rano, ary amin' ny famerenana ny fifandraisana eo amin' ny tontolo iainana.