Neô-loteranisma

Ny neô-loteranisma dia hetsika teôlôjika tamin' ny taonjato faha-19 izay nivoatra tao amin' ny prôtestantisma loterana ho fanoherana ny rasiônalisma sy ny liberalisma teôlôjika. Nanamafy ny fiavahan' ny maha loterana ao anatin' ny kristianisma ity hetsika ity, ary manohitra indrindra ny firaisan' ny Loterana amin' ny Kalvinista izay notohanan' ny mpanjakan' i Prosia, Friedrich Wilhelm III. Manandratra indray ny foto-pinoana loterana ara-tantara ny neô-loteranisma, indrindra ny Formiolan' ny Kônkôrdia sy ny litorzia loterana nentim-paharazana.