Leo X

Avy amin'i Wikipedia
Sauter à la navigation Sauter à la recherche
Ny papa Loe X, sary nataon'i Raffaello Sanzio tamin'ny taona 1518 sy 1519.

I Leo X dia papa tamin'ny taona 1513 hatramin'ny taona 1521, izay teraka tao Florentia (frantsay: Florence) tamin'ny 11 Desambra 1475 ary maty tamin'ny taona 1521. Giovanni di Lorenzo de' Medici no tena anarany. Nohosorana ho diakra izy raha mbola 13 taona monja ary voafidy ho papa tamin'ny faha-37 taonany. Nahay nitantana ny raharaha politika anatiny sy ivelany izy. Izy no afaka nanafoana ny fahaleovan-tenan'ny fiangonana katôlikan'i Frantsa (galikanisma) tamin'ny taona 1516.

Nampanamboariny indray ny bazilika Masindahy Piera dia nitohy ny fivarotana endolzansy mba hamatsiam-bola ny fanamboarana, ka niteraka fanakianana avy amin'ireo mpanitsy fiangonana toa an'i Martin Lotera tamin'ny taona 1517 izany. Izy ilay papa nanameloka ny fampianaran' i Lotera izay noheverina fa fampianaran-diso (na herezia) sady nanongana azy sy ny mpianany tsy ho isan'ny mpino katôlika tamin'ny taona 1520.