Kilômetatra toradroa

Fanoharana amin' ny faritra mirefy iray kilômetatra toradroa, asehon' ny efamira misy lafiny,mirefy iray kilômetatra. Mirefy 100 ha ny velarana mirefy 1 km², izay mirefy 10 000 m² ny tsirairay.

Ny kilômetatra toradroa na kilaometatra toradroa, soratana hoe km² dia venty ampiasaina handrefesana ny velarana. Mitovy amin' ny velaran' ny efamira iray misy lafiny iray kilômetatra ny kilômetatra toradroa. Songantombon' ny ventim-belarana ao amin' ny Rafitra Iraisam-Pirenena momba ny Venty (frantsay: Système international d'unités; anglisy: International System of Units) ny kilômetatra toradroa, izany entim-belarana izany dia ny metatra toradroa. Manondro ny kilômetatra (1 000 metatra) ny tovona hoe kilô- na kilao- (10³). Mitovy amin' ny iray tapitrisa metatra toradroa ny velaran' ny iray kilômetatra toradroa, ohatra 1 000 metatra ampitomboina 1 000 metatra. Ohatra: manana velarana iray kilômetatra toradroa ny efamira iray misy lafiny iray kilômetatra (jereo ny sary etsy ankilany).

Famadihana venty

• 1 km² = 1 000 000 m² = 100 ha

• 1 m² = 0,000 001 km² (izany hoe 1 × 10⁻⁶ km²)

• 1 ha = 0,01 km² (izany hoe 1 × 10⁻² km²)