Haràna

I Haràna, fantatra ihany koa amin' ny hoe Ḥarrān, dia tanàna lehibe taloha tao Mesôpôtamia izay any amin' ny tanàna vaovao ao Torkia, 44 km atsimo-atsinanan' i Şanlıurfa. Ny toerana dia ao amin' ny distrikan' i Haran any amin' ny faritanin' i Şanlıurfa.

Ny sisam-paharavàny dia ao amin' i Haràna taloha, ivon-toerana ara-barotra, ara-kolontsaina, ara-tsiansa ary ara-pivavahana lehibe voalohany nonenana tamin' ny Vanim-potoana Kalkôlitika (taonarivo faha-6 tal. J.K.). Io tanàna io dia nantsoina hoe Helenôpôlisy (grika: Ἑλληνόπολις / Hellenopolis, midika hoe "tanàna grika") tamin' ny vanim-potoana kristiana voalohany.