Fitodika mpampanao

Avy amin'i Wikipedia
(tonga teto avy amin'ny Fitodika mamoatra)
Sauter à la navigation Sauter à la recherche

Ny fitodika mpampanao na fitodika mamoatra dia fitodiky ny fehezanteny misy lazaina manondro olona na zavatra manosika na maniraka na mahatonga olona na zavatra hafa hanatanteraka asa (na haneho toetra), na zavatra izay tsy inona fa antony ahataterahan'ny asa (na toetra) iray; atao hoe "lazaina mpampanao". Ny matoanteny dia miseho amin'ny endrika tsy mitovy amin'ny matoantenin'ny mpanao fa amin'ny endrika hafa atao hoe "matoantenin'ny mpampanao".

Amin'ny fiteny malagasy[hanova | hanova ny fango]

Amin'ny teny malagasy, ny matoantenin'ny mpampanao dia saika hitovy amin'ny matoantenin'ny mpanao fa ahitana ny tsofoka -amp-.

Ohatra:

Mampiadry omby an-dRabe i Koto (mpampanao) / Miandry omby Rabe (mpanao).

Amin'ny fiteny frantsay[hanova | hanova ny fango]

Ny teny frantsay dia tsy manana matoanteny amin'ny endrika manokana fa mampiasa ny matoanteny faire ("manao") na hafa hatao mpanampy.

Ohatra:

Je lui ai fait repeindre le mur. ("Nampandokoiko azy indray ny rindrina").

Amin'ny fiteny anglisy[hanova | hanova ny fango]

Ny teny angklisy koa dia tsy manana matoanteny amin'ny endrika manokana fa mampiasa ny matoanteny make (ara-bakiteny: "manao") sy have (ara-bakiteny: "manana") sy let (ara-bakiteny: "mamela") sy hafa hatao mpanampy.

Ohatra:

She made me eat the soup. "Nampihinaniny ahy ilay lasopy".

I had John close the window. "Nampanidiko an'i John ny varavaran-kely".

Jereo koa[hanova | hanova ny fango]