Antonio Vivaldi
Antonio Vivaldi
| |||
| Ankapobeny | |||
| Anarana | Antonio Vivaldi | ||
| Teraka | 4 Martsa 1678 | ||
| Maty | 28 Jolay 1741 | ||
| Fiaviana sy ny andraikitra | |||
| Firenena | Italia | ||
| Asa : | Tsy fantatra | ||
| Fiainana manokana | |||
I Antonio Vivaldi dia Italiana teraka tamin' ny 4 Marsa 1678 tao Venezia (Italia) ary maty tamin' ny 28 Jolay 1741 tao Vienna (Aotrisy). Mpitendry lokanga sy mpamoron-kira klasika italiana izy. Pretra tao amin’ ny Eglizy Katôlika koa izy.
I Vivaldi dia iray amin' ireo mpitendry lokanga kinga malaza sy nankafizina indrindra tamin' ny androny; fantatra ho iray amin' ireo mpamoron-kira lehibe indrindra tamin' ny vanim-potoana Baroque ihany koa izy, amin' ny maha mpanatontosa voalohany ny concerto solo, karazana nalaina tamin' ny concerto grosso. Ny fitaomany, any Italia tahaka ny manerana an' i Eorôpa, dia lehibe, ary azo refesina amin' i Bach izay nampifanaraka sy nandika ny sanganasan' i Vivaldi mihoatra noho ny mpnao mozika hafa rehetra.
Teo amin' ny sehatry ny mozikan-javamaneno, indrindra fa ny lokanga no natao ny asany, saingy nataony koa ho ana karazan-javamaneno miavaka, mozika ara-pivavahana sy mozika lirika. Izany no nahatonga ny famoronana concerto, sonata, opéra, mozika ara-pivavahana madinika maro be: nirehareha izy noho ny fahaizany namorona concerto haingana kokoa ka tsy azon' ny mpanao kôpia nadika. Pretra katôlika izy ny volony mena no nahatonga azy ho nahazo anaram-bositra hoe il Prete rosso, “Ilay Pretra Mena”, anaram-bositra angamba fantatra kokoa any Venizia noho ny tena anarany, araka ny tatitry ny Goldoni ao amin' ny Memoires.
Ny famokarana mozikany, izay navoaka nandritra ny androm-piainany, dia hadino haingana taorian' ny nahafatesany, toy ny anarany, toy ny nitranga tamin' ny mpamoron-kira maro tamin' ny taonjato faha-18. Nahazo fahalianana teo amin’ ny manam-pahaizana ihany izy tamin’ ny taonjato faha-19, noho ny fahitana an’ i Johann Sebastian Bach indray. Tamin' ny tapany voalohan' ny taonjato faha-20 no tena nahafantarana azy, noho ny asan' ny manam-pahaizana na mpahay mozika toa an' i Arnold Schering na i Alberto Gentili, ny fandraisan' anjaran' ny mpitendry mozika toa an' i Marc Pincherle, i Olga Rudge, i Angelo Ephrikian, i Gian Francesco Malipiero na i Alfredo Casella, ary noho ny hafanam-pon' ireo mpankafy fanta-daza toa an' i Ezra Pound.
Amin' izao fotoana izao, ny sasany amin' ny sanganasany zavamaneno, indrindra ireo concerto efatra fantatra amin' ny anarana hoe Le quattro stagioni, dia anisan' ny malaza indrindra amin' ny repertoire klasika.
Jereo koa[hanova | hanova ny fango]
Rohy ivelany[hanova | hanova ny fango]
- Ao amin'i Freebase: [1] Archived Mey 6, 2013 at the Wayback Machine
