Andriandahifotsy
Andriandahifotsy dia mpanjaka sakalava tao amin' ny tarana-mpanjaka maroseraña, izay nanjaka tamin' ny tapany faharoa tamin' ny taonjato faha-17. Andriandahifotsy no nandimby an' Andriamisara rainy ary tamin' ny alalan' ny fandreseny dia nanitatra haingana ny fahefany tamin' ny morontsiraka andrefan' i Madagasikara hatrany Manambolo izy. Nanandrana hampiray an' i Madagasikara ho eo ambany fanapahany izy, nefa tsy nahomby. Tamin' izay fotoana izay ihany koa dia nikasa ny hamindra ny renivohiny ho any Bengy ao amin' ny lohasahan' i Mangoky izy, ka nanorina ny Fanjakan' i Menabe. Taorian' ny nahafatesany dia ny zanany roa lahy Andriamanetriarivo (tao Menabe) sy Andriamandisoarivo (tao Boina) no nandova azy ka izy ireo no nanitatra ny fahefan' ny Sakalava hatrany avaratra, tamin' ny nananganana ny Fanjakan' i Boina.
Lisitry ny mpanjakan' i Menabe
[hanova | hanova ny fango]- Andriamisara
- Andriandahifotsy (taonjato faha-17)
- Andriamanetriarivo (1685 - 1710)
- Andriamananety
- Ranaimo na Andriandrainarivo (nanjaka 1718-1727)
- Andrianamboatsimarofy (1774 - 1794)
- Ratrimolahy
- Andriantsoarivo
- Ramitraho (1812 - 1834)
- Rainasa