Ny Extended Speech Assessment Methods Phonetic Alphabet (X-SAMPA) na Abidy ara-drafipeon'ny fomba fanadihadiam-pitenenana nitarina dia fanovana ny SAMPA noforonin'i, i John C. Wells izay mpampianatra momba ny haifanononana ao amin'ny Anjerimanontolon'i London.[1] Izy io dia natao hampiray ireo abidy SAMPA tsirairay ary mba handrakotra ny Abidy ara-drafipeo iraisam-pirenena (AAI). Ny vokatr'izay dia ny versionan'ny AAI azo soratana amin'ny alalan'ny ASCII 7 bit.
Ny SAMPA dia natao ho fanodinana ny olana izay tsy ahafahana manoratra ireo literan'ny AAI amin'ny fanakaodian-tsoratra. Tetỳ aoriana rehefa zaka na aiza na aiza ny Unicode dia tsy dia nilaina intsony ny rafitra hanehoana ny AAI amin'ny alalan'ny ASCII. Na dia izany aza dia mbola ilaina amin'ny fampidirana AAI tena izy ny X-SAMPA.
Ny eva AAI dia sora-madinika ary manana ny sanda mitovy amin'ny X-SAMPA izy ireo.
Ny X-SAMPA dia mampiasa backslash ho tovana manova ahafahana mamorona eva vaovao. Ohatra, 0 dia feo hafa amin'ny \0, ary tsy misy ifandraisana ny feon'ireo eva roa voatonona teo aloha ireo. Mety ho olana ny fampiasana io backslash io satria betskaa ireo rindrankajy mahita izy io ho soratra fanesorana ho an'izay soratra manaraka azy io. Ohatra. Tsy afaka ampiasaina amin'ny EMU ny backslash ka noho izany ianao dia mila manova azy io ho eva hafa (ohatra, ny kintana "*")
Manaraka ireo eva ovainy ireo diakritika. Afatsy ~ ho an'ny fanononana an'orona na = ho an'ny famakiana mivanin-teny, ary ` ho an'ny fanononana amin'ny lela miforotra mankany aoriana; ireo diakritika dia ampiaraha amin'ny soratra amin'ny alalan'ny tsipika ambany _.
Ny tsipika ambany dia natao hanakaodiana ny bara fampanarahana AAI
Ny isa _1 ny _6 dia voatokana ho fanafohezan-tsoratra ho an'ireo fiteny mampiasa haavom-peo
Ny Lakroa (†) dia maneho ireo eva AAI izay vao nampiana tamin'ny Unicode. Nanomboka tamin'ny volana Aprily 2008 dia nitranga ho an'ny fanononana AAI ny kopaky ny nify sy molotra: Ny eva manokana ho an'ny kopaky ny nify sy ny molotra dia mbola tsy misy amin'ny X-SAMPA.