Vespasiano

Vespasiano
Ankapobeny
Anarana	Vespasiano
Teraka	17 Novambra 9
Maty	23 Jiona 79
Fiaviana sy ny andraikitra
Firenena	Roma Taloha
Asa :	mpanao politika
Fiainana manokana

I Vespasiano dia emperora rômana teraka tamin' ny 17 Nôvambra 9 tany akaikin' i Reate (Rieti, ao Italia ankehitriny) ary maty tamin' ny 23 Jona 79 tao Aquae Cutiliae. Izy no mpanorina ny tarana-mpanjaka Flaviano izay nanjaka teo amin' ny Empira Rômana tamin' ny taona 69 ka hatramin' ny 96. Nandimby azy i Titosy zanany lahy, avy eo i Dômitiano, taorian' ny nahafatesany. Amin' ny teny latina dia atao hoe Imperator Caesar Vespasianus Augustus izy.

Tao amin' ny tafika no niandohan' ny lazany: izy no lohandohany nandritra ny ady fakana an' i Britaina Lehibe tamin' ny taona 43 ary nifehy an' i Jodea (na Jodia) nandritra ny fikomiana jiosy tamin' ny taona 66.

Raha nanao fahirano an' i Jerosalema i Vespasiano, dia namono tena ny emperora Nerô ary nampiditra ny Empira Rômana tao anatin' ny ady an-trano. Nanambara an' i Vespasiano ho emperora ny tafika rômana tany Ejipta sy tany Jodea tamin' ny 1 Jolay 69. Nandresy an' i Viteliosy (Aulus Vitellius) i Vespasiano tamin' ny 20 Desambra 69, ary nohamafisin' ny Antenimieran-doholona ny fanendrena azy ny ampitson' iny.

Nanamarika ny fitondran' i Vespasiano ny fanavaozana ara-bola sy ny fanorenana lehibe nataony. Ny tetikasany malaza indrindra dia ny Colosseum, toeram-pijerena fampisehoana lehibe tsy nisy toy izany. Nanohy ny ady fankana an' i Britaina Lehbe koa i Vespasiano, tamin' ny alalan' i Agrikôla (Agricola), solom-panjakany. Taorian' ny nahafatesany tamin' ny taona 79, dia i Titosy (Titus) zanany lahimatoa no nandimby azy: i Vespasiano àry no emperora rômana voalohany nosoloana ny zanany ivelan' ny fanambadiana.

Ny fiainany manokana

I Titus Flavius Sabinus no rainy. Ny vadiny dia i Domitilla Zokiny. Ny zanany dia i Titus sy i Domitianus.

Jereo koa

• Biôgrafia

• Titosy
• Dômitiano

Rohy ivelany

• Ao amin'i Freebase: [1] Archived Mey 30, 2014 at the Wayback Machine