Vahoaka ao Oganda
Ny vahoaka ao Oganda dia niisa 24 200 000 tamin' ny taona 2002. Niisa 31 400 000 izy ireo tamin' ny taona 2008 ary manana hakitroka 157,1 mp/km². Niisa 38 000 000 izy ireo tamin' ny taona 2016.
Mizara ho vondrom-poko ara-piteny sy ara-kolontsaina roa lehibe ny vahoakan' i Oganda. Ao ny Banto, izay mahatratra roa ampahatelon' ny mponina sy monina ao amin' ny tapany atsimo amin' i Oganda (ny Baganda, ny Baniankôle, ny Babiôrô ary ny Tôrô), sy ny Nilôtika izay monina ao avaratra (ny Akôly na Asôly, ny Karamônjônga ary ny Langô), ary ny mpitsoa-ponenana roandey sy sodaney ary kôngôley.