Tavolo
Ny tavolo dia gliosida (siramamy) saro-drafitra (pôlisakarida na pôliôsida) misy singa D-gliokôzy (siramamy tsotra) vokarin' ny zavamaniry maitso hitahiriazany angovo. Izy io dia molekiola tahiry ho an' ny zavamaniry lehibe sady singa fahita ao amin' ny sakafon' ny olombelona.
Azo anamboarana koba ny tavolo. Ilazana ihany koa ity koba azo avy aminy ity ny teny hoe tavolo. Azo hanina ny tavolo sady ampiasaina indrindra koa hampiatoana fivalanana, hanamboarana dity ampiasaina amin' ny taratasy, hanenjanana lamba (vozona na lohatanan' akanjo).
Ao amin' ny biby sy ny holatra, ny mitovy amin' ny tavolo dia ny glikôzenina.