Sivaisma

Avy amin'i Wikipedia
Aller à la navigation Aller à la recherche
Fanevan' ny sivaisma: ombilahy masina Nandi

Ny sivaisma na saivisma dia firehana ao amin' ny hindoisma izay mifototra amin' ny lahatsoratry ny Purana, sady nisafidy ny andriamanitra Shiva ho andriamanitra lehibe fara tampony, ka ny mpanaraka azy dia atao hoe Sivaita na Saiva. Manao iôga (yoga) sy fampijalian-tena izy ireo sady manatantanteraka fombafomba voarakitra ao amin' ireo Agama sady iharan' ny akon' ny tantrisma. Amin' ny lafiny ara-pilôzôfia dia miorina amin' ny lamina Yoga sy Vaisheshika ary Nyaya ny sivaisma. Iray amin' ireo firehena lehibe ao amin' ny hindoisma ny sivaisma, manampy ny visnoisma sy ny saktisma ary ny smartisma.

Araka ny tombana nataon' i Johnson sy Grim tamin' ny taona 2010 dia miisa 252 tapitrisa ny Sivaita maneran-tany, izany hoe 26,6 %n' ny Hindo rehetra izany, ka laharana faharoa aorian' ny svisnoisma izany[1].

Fanompoam-pivavahana amin' i Shiva eo amoron' ny ony Gange

Loharano sy fanamarihana[hanova | hanova ny fango]

  1. Johnson, Todd M; Grim, Brian J (2013). The World's Religions in Figures: An Introduction to International Religious Demography. John Wiley & Sons. p. 400. ISBN 978-1-118-32303-8.