Rafalimanana Florimond

Avy amin'i Wikipedia
(tonga teto avy amin'ny Pastora R.F.Deyris)

Pastora Rafalimanana Florimond Deyris, dia isan'ireo mpamoron-kira andrareziny amin'iny faritra Atsimo Atsinananan'i Madagasikara, raha ny eo amin'ny Fiangonana Loterana Malagasy no lazaina. Izy dia nanana fototra (background) momba ny hira mirona amin'ny ban-kira afrikana: nisy fotoana lava nihainoany ireo hira avy ao Afrika Atsimo, toy an'ny Black Mambazo. Ny taona 2009-2011 dia mandranto fianarana any Afrika Atsinanana izy, ary dia mbola manatevina ny fototra momba ny hira efa nananany. Tia miara-miasa amin'olon-kafa izy mba hampivoatra ny talenta ananany. Isan'ireo mpiara-miasa aminy akaiky ny tarika Mpitohazara, ny Vakomasy, Fanalolahy, ny A.SE.Va, ny K.T.L.M Fiadanana Andranofasika Manakara, ny FSLFM Andranofasika Manakara, ny TAFAKRI Vohipeno, ny Akon'ny Fanasina Ambohitsara 1 Vohipeno, ny G.B.S Vohipeno sns. Ankoatr'ireo dia miara-miasa aminy manoka koa ny rahalahiny Rafalimanana Rufin Angelo sy i Tata Georges Bien-Aimé, amin'ny fandrindrana feo sy zava-maneno. Miezaka hatrany koa ny Pastora Rafaliamanana Florimond Deyris ny mampahafantatra ireo zava-misy ao amin'ny Synodam-Paritany Manakara, mba hahafahan'izy liana hahalala bebe kokoa ny mahakasika iny synodam-paritany iny.

Jereo koa:[hanova | hanova ny fango]