Ora (tanana tamin'ny Andro Taloha)

Avy amin'i Wikipedia
Sauter à la navigation Sauter à la recherche

I Ora, izay atao ankehitrin hoe Tell al-Muqayar, dia iray aimin'ireo tanana lehibe tranainy tany mesopotamia tamin'ny Andro Taloha, izay ao Iràka ankehitriny. Tamoron'ny iray amin'n sampan'ny ony Eofrata no niorenany tamin'izany fotoana izany sady akaiky ny Helodrano Persika.

Isan'ireo tanàna someriana nanana ny maha izy azy sady natanjaka i Ora tamin'ny taonarivo faha-3 tal. J.K., ka maneho izany ireo fasam-panjaka sy ireo fanaka fandevenana izay hita tao amin'ireo fasana ireo. Nandritra ny taonjato faha-21 tal. J.K. dia renivohitry ny fanjakana matanjaka notapahin'ny mpanjaka avy amin'ny dinastia fahatelo tao Ora, araka ny lovantsofina mesopotamiana. Nanangana trano sy zavatra hafa miezinezina maro ireo manjaka ireo tao amin'ny fitoerana masina natokana ho an'ny andriamani-dehiben'io tanàna io, dia ny Andriamanitra-Volana, atao hoe Nanna amin'ny teny someriana fa Sin kosa amin'ny teny akadiana. Tamin'ny fiantombohan'ny taonarivo faha-3 tal. J.K. dia mbola tanàna lehibe i Ora, araka ireo trano sy zavatra voaorina sy ireo vato na tanimanga fanoratana amin'ny tarehin-tsoratra miendri-pantsika hitan'ireo arkeologa notarihin'i Leonard Woolley, iza ynanao fisavana ny sisam-paharavany tamin'ny taona 1922 sy 1934.