Nosy Madame

Ny Nosy Madame na Ilôt Madame dia nosy kely any andrefan' i Sainte-Marie, akaikin' Ambodifototra, ao atsinanan' i Madagasikara. Misy seranan-tsambo antsoina hoe "Port Louquez" ao amin' ny helodranony. Misy tranom-bakoka natokana ho fahatsiarovana ny jiolahin-tsambo izay mitahiry ny zavatra hita tao amin' ny helodranon' Ambodifototra ny ao amin' io nosy io. Ny hoe Nosy Madame dia fanomezam-boninahitra ny zanakavavin' ny mpanjakan' i Frantsa.

Tantara

Tamin' ny Jolay 2025 dia nanambara ny arkeôlôgy fa hitany ny sambo pôrtogey Nossa Senhora do Cabo, izay nosamborin' ny jiolahin-tsambo Olivier Levasseur (fr) sy John Taylor (fr) tamin' ny taona 1721, teo amorontsirak' i Nosy Madame.

Ny fikarohana natao nandritra ny dimy ambin' ny folo taona mahery dia nahatsikaritra zavakanto an-jatony (bakoly sinoa, vola madinika, ivoaram-pivavahana, sns.) sy rafitra hazo mampiavaka ny sambo Indiaman pôrtogey (fr) tamin' ny taonjato faha-18, nanamafy ny fiheverana fa ara-tantara tokoa azy.

Jereo koa

• Lisitry ny nosin' i Madagasikara