Lalàna fiton' i Nôa
(tonga teto avy amin'ny Lalàn' i Nôa)
Ny lalàna fiton' i Nôa na lalàna fiton' i Nôe dia lalàna fito mifono didy ara-pitondrantena na ara-môraly izay natolotr' Andriamanitra an' i Nôa na Nôe mba ho fanekem-pihavanana mandrakizay eo amin' Andriamanitra sy ny olombelona. Atao hoe שבע מצוות בני נח / Sheva mitzvot B'nei Noa'h ireo lalàna ireo amin' ny teny hebreo.
Indreto ireo lalàna na didy ireo:
- manangana fitsarana;
- tsy miteny ratsy an' Andriamanitra;
- tsy manompo sampy;
- tsy mijangajanga na manao firaisana ara-nofo amin' ny biby;
- tsy mamono olona;
- tsy mangalatra;
- tsy mihinana ny hena nalaina tamin' ny biby mbola velona.