Rabemananjara Jacques

Rabemananjara Jacques

Ankapobeny

Teraka

13 jona 1913

Toerana

Maroantsetra

Maty

2 avprily 2015 tao Parisy

Fiaviana sy ny andraikitra

Firenena

Madagasikara

Asa :

poeta, mpanao politika

Fiainana manokana

Rabemananjara Jacques dia avara-pianarana sy pôeta ary mpanao pôlitika malagasy. Teraka tao Mangabe, Maroantsetra tamin' ny 13 Jiona 1913 izy ary nodimandry tamin' ny 2 Aprily 2005 tao Frantsa tamin'ny faha-92 taonany.

Ny mombamomba azy

Nobeazina tamin'ny finoana katôlika izy, ary nanohy fianarana teny amin'ny sekoly ambony mpanomana ho pretra tao Antananarivo raha nihevitra hanolo-tena ho pretra ny taona 1927-1935. ^[1]Niova lalana anefa izy ka lasa nirona tany amin'ny asa birao. Tamin'ny taona 1935 no nanombohany nirona betsaka tamin'ny pôlitika sy ny literatiora.

Ny taona 1939 izy dia nalefa nisolo tena an'i Madagasikara tamin'ny fankalazana ny Revolisiona Frantsay tany Parisy.^[1] Noho ny ady mbola nafana tamin'io fotoana io dia tsy afaka nody izy ary nijanona tany hatramin'ny taona 1946. Tafiditra niasa tamin'ny Ministeran'ny Zanatany izy, ary nahazo ny zom-pirenena frantsay. Afaka nanohy fianarana tao amin'ny Sorbonne koa izy ka nahazoany ny diplaoma ambony momba ny Soratra.Tamin'io fotoana io no nifankahalalany tamin'i Léopold Sédar Senghor sy Alioun Diop.

Tamin'ny taona 1946 no nahalalany an' ny dokotera Raseta sy Ravoahangy ary tamin'izany no nitsimoka ny fananganana ny antoko Mouvement démocratique de la rénovation malgache (MDRM) izay nitana anjara toerana lehibe teo amin'ny tantaram-pirenena malagasy^[2].

Ireo zavabitany sy ny lalana nandalovany

mpitarika politika

Isan'ireo mpanorina ny Mouvement Démocratique de la Rénovation Malgache (MDRM) izy, voafidy ho solombavambahoaka tao amin'ny Antenimieram-pirenena frantsay tamin'ny vanimpotoana io. Ny taona 1947 nosamborina dia nosamborina izy^[3]. Taorian'ny tabataba tamin'ny taona 1947, nosamborin'ny manam-pahefana mpanjanaka izy ary voasazy hanao asa an-terivozona. Nafahana izy taty aoriana, ary lasa mpiantsehatra fototra tamin'ny Repoblika Voalohany teto Madagasikara taorian'ny fahaleovantena tamin'ny taona 1960, nanao minisitry ny firenena imbetsaka ary nitana ny andraikitry ny filoha lehibe lefitra.^[3]

Ny asa soratra sy ny teny

Mpanoratra nampiasa ny teny frantsay izy, ary nifamatotra mafy tamin'ny hevitry ny "Négritude " niaraka tamin'i Aimé Césaire sy Léopold Sédar Senghor. ^[3]Ny sanganasany lehibe indrindra dia miresaka momba ny fitiavan-tanindrazana sy ny fahafahana, indrindra amin'ny alalan'ireo boky telo nifanesy nosoratany tany am-ponja. Ny lanjan'ireo asa sorany no nahazoany ny Grand Prix de la Francophonie nomen'ny Académie française tamin'ny taona 1988.^[2]

Tononkalo

Sur les marches du soir, 1940
Rites millénaires, 1955
Antsa, 1956^[2]
Lamba, 1956^[4]
Antidotes, 1961^[4]
Les ordalies, sonnets d'outre-temps, 1972
Œuvres complètes, 1972
Thrènes d'avant l'aurore : Madagascar, 1985
Rien qu'encens et filigranes, 1987

boky navoakany

Témoignage malgache et nationalisme, 1956
Nationalisme et problèmes malgaches, 1958

Loharano

[:0-1] 1 2 Biographie de JACQUES RABEMANANJARA (1913-2005) - Encyclopédie Universalis

[:1-2] 1 2 3 Jacques Rabemananjara | Biographie | Fondation pour la memoire de l'esclavage

[:2-3] 1 2 3 Jacques Rabemananjara - Biographie, ouvres de Jacques Rabemananjara

[:3-4] 1 2 Jacques Rabemananjara - Île en île

[1]

[2]

[3]

[4]