Fokom-pirenen' i Efraima

Ny fokom-pirenen' i Efraima dia vakiny iray ao amin' ny fokom-pirenen' i Jôsefa izay anisan' ny fokom-pirenena roa ambin' ny folon' i Israely. Ny vakiny faharoa dia ny fokom-pirenen' i Manase. Araka ny Baiboly, tamin' ny ady nifanaovan' ny fokom-pirenen' i Efraima tamin' ny sisa amin' ny fokom-pirenen' i Israely dia ampy hahafantarana ny Efraimita ny tsy fahaizany manonona ny hoe שִׁבֹּלֶת / shibboleth izay tononiny hoe sibbolet (Mpitsara 12:4-6)^[1].

I Efraima

I Efraima (hebreo: אֶפְרַיִם na אֶפְרָיִם / Efrayim) dia zanaka lahy faharoan' i Jôsefa tamin' i Asnata vadiny ary i Manase no rahalahiny. Ireto ny zanany lahy: Sotela, Bekera, Tahana (Nomery 26:35), Ezera, Eleada ary Beria (1Tantara 7:20-23).

Olona anisan' ny fokom-pirenen' i Efraima

Ansan' ny fokom-pirenen' i Efraima i Jôsoa (na Jôsoe) sy i Jerôbôama I mpanorina ny Fanjakan' i Samaria.

Anisan' ny fokom-pirenen' i Israely nanjavona

Anisan' ny Fanjakan' i Samaria ny fokom-pirenen' i Efraima tamin' ny fisarahan' ny Fanjakan' i Israely ho roa. Tamin' ny nandravan' ny Asiriana ny io fanjakana io dia natao sesitany niaraka amin' ny fokom-pirenena sivy hafa tany Asiria vahoaka tao amin' ny fokom-pirenen' i Efraima ka lazaina fa anisan' ny fokom-pirenena nanjavona izy. Ny Samaritana amin' izao fotoana izao dia milaza fa taranak' i Efraima sy i Manase.

Jereo koa

Fokom-pirenen' i Israely: Robena - Simeôna - Levy - Jodà - Isakara - Zabolôna - Dana - Naftaly - Gada - Asera - Jôsefa (Manase sy Efraima) - Benjamina.
Fanjakan' i Jodà
Fanjakan' i Israely (Samaria)
Fanjakan' i Israely (mitambatra)

Loharano sy fanamarihana

↑ "⁴ Ary Jefta dia namory ny lehilahy rehetra amin' ny Gileada ka niady tamin' ny Efraima; ary dia namely ny Efraima ny lehilahy amin' ny Gileada, satria hoy ireo: Hianareo Gileadita dia mpandositra avy amin' ny Efraima ao amin' ny taranak' i Efraima sy Manase. ⁵ Dia novonjen' ny Gileada ny fitàna any Jordana mankany amin' ny Efraima; ary nony niteny ny mpandositra avy amin' ny Efraima nanao hoe: Aoka mba hita aho; dia hoy ny lehilahy amin' ny Gileada taminy: Efraimita va ianao? ary raha hoy izy: Tsia, ⁶ dia hoy izy ireo taminy: Tonony ary ny hoe Shiboleta; fa hoy kosa izy: Siboleta, satria tsy nahay nanonona izany marina izy. Dia nisambotra azy ireo ka namono azy teo amin' ny fitàna ao Jordana; ary nahafatesana roa arivo sy efatra alina ny Efraimita tamin' izany andro izany." (Mpits. 12.4-6) (Ny Baiboly)

[1] "⁴ Ary Jefta dia namory ny lehilahy rehetra amin' ny Gileada ka niady tamin' ny Efraima; ary dia namely ny Efraima ny lehilahy amin' ny Gileada, satria hoy ireo: Hianareo Gileadita dia mpandositra avy amin' ny Efraima ao amin' ny taranak' i Efraima sy Manase. ⁵ Dia novonjen' ny Gileada ny fitàna any Jordana mankany amin' ny Efraima; ary nony niteny ny mpandositra avy amin' ny Efraima nanao hoe: Aoka mba hita aho; dia hoy ny lehilahy amin' ny Gileada taminy: Efraimita va ianao? ary raha hoy izy: Tsia, ⁶ dia hoy izy ireo taminy: Tonony ary ny hoe Shiboleta; fa hoy kosa izy: Siboleta, satria tsy nahay nanonona izany marina izy. Dia nisambotra azy ireo ka namono azy teo amin' ny fitàna ao Jordana; ary nahafatesana roa arivo sy efatra alina ny Efraimita tamin' izany andro izany." (Mpits. 12.4-6) (Ny Baiboly)

[1]