Hijery ny fangon'i Fiangonana Loterana Malagasy

[[Sary:Logo Fiangonana Loterana Malagasy.jpg|vignette|Sary sy soratra famantarana ny Fiangonana Loterana Malagasy, ahitana ny [[Raozin' i Lotera]] sy ny foto-kevitra efatry ny [[loteranisma]]|313x313px]]
Ny '''Fiangonana''' '''Loterana''' '''Malagasy''', izay hafohezina amin' ny hoe '''FLM''', dia [[Protestantisma eto Madagasikara|fiangonana kristiana prôtestanta eto Madagasikara]] izay nateraky ny fitambaran' ny fikambanana misiônera loterana maro tamin' ny taona 1950 niasa teto [[Madagasikara]], sady miray amin' ny Fiangonana Loterana maneran-tany izay nipoitra avy tamin' ny [[Fanavaozana prôtestanta|Refôrmasiôna]] nataon-dry [[Martin Luther|Martin Lotera]]. Nanohy ny fampianaran' ny misiônera loterana tonga teto Madagasikara ity fiangonana ity nefa manana ny fahasamihafany amin' ny fiangonana loterana any ivelany, noho ny fisian' ny [[Fifohazana (kristianisma malagasy)|fifohazana]] mampiavaka ny [[prôtestantisma eto Madagasikara]], izay mandray anjara lehibe amin' ny fitaomana ny olona ho kristiana. Laharana fahatelo ny FLM raha ny habetsahan' ny mpino no jerena (eo anelanelan' ny 3 tapitrisa sy 4 tapiptrisa any ho any). Maro amin' ny mpino ao aminy no misahana ny asan' ny misionera any amin' ny firenen-kafa toa an' i [[Kamerona]] sy i [[Papoa Ginea Vao|Papoa Ginea Vaovao]] ary i [[Tailandy]].

== Ny tantarany ==
=== Ny niandohany ===
[[Sary:Fourth class at the Seminary for pastoral education at Masinandraina Madagascar 1893.jpg|vignette|251x251px|Mpianatra pastora tao [[Masinandraina]] tamin' ny taona 1893 (tahirin-tsarin'ny NMS).]]
Ny fiangonana loterana teto Madagasikara dia vokatry ny [[Fitoriana ny filazantsara|fitoriana ny Filazantsara]] nataon' ny misiônera avy tamin' ny Misiona Norveziana ([[Fiteny anglisy|anglisy]]: ''[[Norwegian Missionary Society]]'' - NMS, na [[Fiteny nôrveziana|nôrveziana]]: ''Norsk Misjonsselskap'') nanomboka tamin' ny taona 1866 sy ny Misiona Amerikana (''[[Americana Lutheran Church]]'' - ALC sy ''Lutheran Board of Mission'' - LBM) nanomboka tamin' ny taona 1888. Tao [[Betafo]] no naorin' i John Engh sy i Nils Nielsen ny trano fiangonana loterana voalohany teto Madagasikara ary i [[John Engh]] no [[pastora]] loterana voalohany tao.  

Ireo tanora roalahy ireo dia nirahina taorian' ny fandehanany hanao fanadihadiana avy any [[Afrika Atsimo]] nosahanin' ilay eveka atao hoe [[Hans Schreuder]]. Tonga tao [[Antananarivo]] izy ireo tamin' ny 27 Septambra 1866 ka narakarahin' ny misionera maro hafa koa, anisan' izany ireto tanisaina manaraka ireto: [[Torkild Guttormsen Rosaas]], [[Lars Dalhe]], [[Nielsen Lund]], [[Lars Vig]], [[Arne Valen]], [[L. J. Rostvig]], [[Hans Wilhelmsen]] ary [[O. J. R. Thesen]].  

Ny misionera loterana avy any [[Etazonia|Amerika]] dia tonga fotoana fohy taorian' izany ka nanorina stasiôna, indrindra ny tao amin' ny tapany atsimo-andrefan' i [[Madagasikara]]. Nomena ho sahanin' izy ireo io faritra io tamin' ny taona 1891 taorian' ny fangatahana nataon' izy ireo tamin' ny NMS, ka anisan' ny misionera amerikana tonga voalohany i Habstad sy i Tou.   

=== Fanorenana fiangonana sy sekoly ary toeram-pitsaboana ===
[[Sary:Antsirabe-07.jpg|vignette|Ny fiangonana loterana Antsirabe-Antampotanàna, niorina tamin' ny taona 1869.]]
Raha vao tonga teto [[Madagasikara]] ny fikambanana misionera dia nanorina sekoly sy hôpitaly maro mba hampandrosoana ny [[Fitoriana ny filazantsara|fitoriana ny Filazantsara]] sy hanampiana ny fiarahamonina malagasy.   

Anisan' ny fiangonana voaorin' ny misionera voalohany teto Madagasikara ireto tanisaina manaraka ireto:
* Betafo (1867)
* Masinandraina sy Antsirabe (1869)
* Loharano sy Soavina Ambohimasina ary Manandona (1870)
* Antananarivo Ambatovinaky sy Fisakana (1871)
* Ilaka sy Ambatofinandrahana ary Fihasinana (1875)
* Soatanana Fianarantsoa (1876)
* Masombahoaka Fianarantsoa (1878).

=== Mankany amin' ny fahaleovan-tena ===
Ny [[pastora]] sady evanjelista loterana malagasy voalohany dia nofanin' ny misionera nôrveziana tao [[Ambatovinaky]] ([[Antananarivo]]) tamin' ny taona 1871 hatramin' ny 1885 alohan' ny hamindrana izany any [[Masinandraina]], ao akaikin' [[Antsirabe]] (1890 - 1893), avy eo tao [[Fianarantsoa]]. Fantatra amin' ny anarana hoe "Efapolo lahy" ny sekoly fanofanana [[pastora]] sy evanjelista tao Masinandraina, izay nisy mpianatra miisa 40 tamin' ny fiandohany. Efa nisy koa ny mpampianatra zaza madinika nofanina tao Masinandraina nanomboka tamin' ny Janoary 1878 rehefa voatsangan' i [[Lars Vig]] ny sekoly fanofanana mpampianatra.

Ireo misionera samihafa ireo, taorian' izay, dia nanorina fikambanana maro niaraka tamin' ny mpino loterana malagasy. Ny fikambanana misionera telo lehibe dia nikambana ho iray tamin' ny Nôvambra 1950 ka niova anarana hoe ''Fiangonana Loterana Malagasy''. Niisa 1&nbsp;800 ny fiangonana loterana efa niorina tamin' izany fotoana izany. Ny pastora [[Rakoto Andrianarijaona]] no lany ho filohan' ny FLM voalohany ny Septambra 1961 tamin' ny fanaovana Synoda Lehibe tany [[Toliara]].

== Ny FLM ankehitriny ==

=== Ny fitomboany ===
Ny Fiangonana Loterana Malagasy dia fiangonana tsy mitsaha-mitombo indrindra amin' ny fiangonana loterana maneran-tany, vokatry ny asan' ny [[Fifohazana (kristianisma malagasy)|Fifohazana]] indrindraindrindra. Miisa 3&nbsp;000&nbsp;000 any ho any ny mpino loterana eto Madagasikara araka tatitra nataon' ny [[Lutheran World Federation]] (LWF)<ref><small>[https://www.lutheranworld.org/content/malagasy-lutheran-church "Malagasy Lutheran Church", ''The lutheran world federation''] {{Wayback|url=https://www.lutheranworld.org/content/malagasy-lutheran-church |date=20200303082824 }}</small></ref> sy ny [[World Council of Churches]] <ref><small>[https://www.oikoumene.org/en/member-churches/malagasy-lutheran-church-flm "Malagasy Lotheran Chuhrch", ''World Council of Churches'']</small></ref>. Tamin' ny taona 2018 dia tombanana ho 4 tapitrisa izany. Laharana fahasivy amin' ny fiangonana loterana lehibe indrindra maneran-tany mpikambana ao amin' ny [[Lutheran World Federation]] ny FLM. 

Ny FLM ankehitriny dia misy synoda miisa 25, ka anisan' izany ny Synoda FLM any Eorôpa, sy fiangonana miisa 6&nbsp;000 any ho any miparitaka manerana an' i Madagasikara sy any am-pitan-dranomasina. Tamin' ny taona 2018 no nankalazana miaraka ny faha-500 taonan' ny [[Fanavaozana prôtestanta|Refôrmasiôna prôtestanta]] nataon' i [[Martin Lotera]] sy ny faha-150 taonana nahaterahan' ny Fiangonana loterana eto Madagasikara.   

=== Ny Fifohazana ===
Ny [[Fifohazana (kristianisma malagasy)|Fifohazana]] dia hetsika ara-panahy, miorina amin' ny Tenin' Andriamanitra<ref name=":1"><small>Bennett, Robert H. (2013). ''I Am Not Afraid: Demon Possession and Spiritual Warfare''. St. Louis: Concordia Publishing House. pp. xx, 6.</small></ref>, izay mirafitra koa ao amin' ny Fiangonana Loterana Malagasy<ref><small>Razakandriana, Rivoniaina (2009). [https://brage.bibsys.no/xmlui/bitstream/handle/11250/162057/2009_Rivoniaina-MTh.pdf?sequence=1 "The Malgasy Lutheran Church (FLM) as a missional church: An analysis of past and present models of evangelization with a special focus on the contemporary movement Tafika Masina"] {{Wayback|url=https://brage.bibsys.no/xmlui/bitstream/handle/11250/162057/2009_Rivoniaina-MTh.pdf?sequence=1 |date=20190209191022 }} (PDF). Misjonshøgsskolen. p. 56.</small></ref>. Nanomboka tamin' ny fiovan' i [[Rainisoalambo]] tao [[Soatanàna]] ho kristiana tamin' ny taona 1894 izany, izay nitarika olona maro atao hoe "mpiandry" [[Fitoriana ny filazantsara|hitory ny Filazantsara]] sy hitaona ny olona mbola tsy kristiana (ataony hoe "Jentilisa") sy amin' ireo izay efa kristiana nefa mbola manohy ny [[fivavahan-drazana malagasy]]<ref name=":1" />. Manerana an' i [[Madagasikara]] dia ahitana toerana mitokana atao hoe "[[Tobim-pifohazana|toby]]", izay andraisany ny olona mila fampaherezana sy [[Fahasitranana mahagaga|fahasitranana]] amin' ny alalan' ny [[vavaka]] sy [[fametrahan-tanana]] sy [[Famoahana fanahy ratsy|fandroahana devoly]] ary fampaherezana<ref><small>Daniel, Rakotojoelinandrasana (2008). [https://books.google.mg/books?id=LMMjORk3uIcC&q=the+toby&pg=PR9&redir_esc=y#v=snippet&q=the%20toby&f=false "Holistic and Integrated Care for Spirit, Mind, and Body as Practiced by the Fifohazana"]. In Rich, Cynthia Holder (ed.). ''The Fifohazana: Madagascar's Indigenous Christian Movement''. pp. 91–92. <nowiki>ISBN 9781604975819</nowiki>.</small></ref>. Ny foibem-pifohazana atao hoe "[[Tobilehibe|toby lehibe]]", sy ny toby madinika atao hoe "zana-toby" sy ny mpikambana ao aminy no mivodrona ao amin' ny Firaisan' ny Fifohazana Loterana (FIFIL), izay sampana ao anatin' ny FLM. Mivondrona ao amin' ny fikambanam-pifohazana lehibe kokoa iraisany amin' ny [[Fiangonan' i Jesoa Kristy eto Madagasikara]] (FJKM) ny FIFIL. 

=== Ny asa misiona any ivelan' i Madagasikara ===
Ankehitriny dia miara-miasa amin' ny fikambanana misionera loterana hafa ny FLM, indrindra amin' ny [[Norwegian Missionary Society]] (NMS), amin' ny fampielezana ny filazantsara sy ny loteranisma any amin' ny firenen-kafa toa an' i [[Kômôro]], i [[Kamerona]], i [[Tailandy]], i [[Papoazia-Ginea-Vaovao]]. Ny ankamaroan' ireo misionera ireo dia dokotera, mpitsabo nify, [[evanjelista]] ary [[pastora]]. 

=== Ny fitantanam-piangonana ===

==== Rafitra synodaly ====
Ny [[Rafitra presbiteriana sinôdaly|rafitra synodaly]], araka ny andraisan' ny FLM azy, dia [[Rafi-pitantanam-piangonana|rafitra]] mampanjaka ny fiombonana sy ny fiaraha-midinika eo amin' ny mino tsy anavahana sokajy (na [[pastora]] na [[laîka]]), mba handraisana fanapahan‐kevitra mikasika ny fiainan' ny Fiangonana, ka ireo mpanapa-kevitra ireo (izay mivondrona ao amin' ny atao hoe ny komity) dia solontena tendrena na fidina isaky ny ambaratonga (fiangonana, [[fitandremana]], [[fileovana]], synodam-paritany, FLM manontolo), mandritra ny fotoana voafetra, ka mitovy zo eo amin' ny fanapahan-kevitra ny samy pastora sy ny samy laîka ary ny ambaratonga mitovy tantana (izay mitovy adidy koa). Iombonana ny fitsipika sy ny [[litorjia]], iombonana koa ny asa isan' ambaratonga<ref><small>"[http://www.flm-foibe.org/8780/ Rafitry ny FLM] {{Wayback|url=http://www.flm-foibe.org/8780/ |date=20211114092345 }}", in ''flm-foibe.org''</small></ref><ref><small>Tsy mahasakana ny mpitodra fivavahana sasany hanao didy jadona anefa izany noho ny tsy fahalalan' ny mpivavaka ao amin' ny fiangonana iadidiany.</small></ref>.

==== Ny ambaratonga eo amin' ny FLM ====
Ny Fiangonana Loterana Malagasy dia voalamina araka ny [[Rafitra presbiteriana sinôdaly|rafitra synodaly]]<ref><small>Fiangonana Loterana Malagasy, ''Lalampanorenana an'ny Fiangonana Loterana Malagasy'', KSL-21 Toliary, Septambra 2012, p. 5.</small></ref> ka ahitana an' izao:  

* ny fiangonana isan-toerana maromaro mifanakaiky no mitambatra ho "[[fitandremana]]" (atao hoe "mpitondra fitandremana" ny [[pastora]] misahana azy);
* ny "fitandremana" maromaro mifanakaiky no mivondrona ho "[[fileovana]]" (atao hoe "mpitondra fileovana" ny pastora misahana azy);
* ny "fileovana" maromaro no miray ho "synodam-paritany" (atao hoe "filohan' ny synodam-paritany" ny pastora misahana azy);
* ireo rehetra ireo no mamorona ny FLM manontolo izay tantanan' ny Synoda Lehibe (atao hoe "filohan' ny Fiangonana Loterana Malagasy" ny pastora misahana azy).

Pastora daholo no mitandrina ireo ambaratonga ireo afa-tsy ny fiangonana tsy renivohi-pitandremana izay sahanin' ny katekista. Fifidianana eo anivon' ny synodam-paritany no mamaritra ny fanomezana [[pastora]] ny fitandremana sy ny fileovana.

==== Ny Birao Foibe sy ny Synoda Lehibe ====
Ny Birao Foiben' ny Fiangonana Loterana Malagasy no tompon' andraikitra voalohany amin' ny fitantanana ny FLM. Izy no birao mpanatanteraka ny Komitin' ny Synoda Lehibe (KSL) sy ny Komity Mpiandraikitra ny Synoda Lehibe (KMSL). Toa izao ny mpikambana ao aminy: misy filoha, filoha lefitra, tonia, tonia lefitra ary mpitahiry vola.

Ny Synoda Lehibe dia fitambaran' ny synodam-paritany rehetra. Ny komitin' io Synoda Lehibe io (na KSL) dia mivory isaky ny efatra taona, ary ny Komity Mpiandraikitra ny Synoda Lehibe (KMSL) dia mivory indroa isan-taona. Ny filohan' ny FLM dia pastora fidin' ny KSL hisahana izany andraikitra izany mandritra ny efatra taona. Ny KSL dia ahitana mpikambana miisa 500 any ho any izay misolo tena ny synodam-paritany loterana rehetra eto amin' ny Nosy sy any Eorôpa.

Ireto ny pastora filohan' ny FLM enina nifandimby nanomboka tamin' ny taona 1950:

# Rakoto Andrianarijaona
# Ranaivojaona Razafimanantsoa
# Rabenorolahy Benjamin
# Rakoto Endor Modeste
# Rakotonirina Davida
# Rakotozafy Denis

Tamin' ny naha filohan' ny FLM ny pastora Rakotonirina David dia toy izao ny mpikambana tao aminy:

* Filoha: Pastora Dr. Rakotonirina David.
* Filoha Lefitra: Pastora Andrianjafy Octave Bénil, Filohan'ny SPats
* Tonia: Pastora Randrianirina Dieu Donné.
* Tonia Lefitra: Toromaree Mananato, Teolojiana.
* Mpitahirivola: Atoa Lahiniriko Jean.

==== Ny Synodam-Paritany ====
Manana Synodam-Paritany (SP) miisa 25 ny FLM ka ireto avy izy ireo: [[Synodam-Paritany Avaratrimania|SP Avaratrimania]] (SPAM), [[Synodam-Paritany Afovoany|SP Afovoany]] (SPAf), [[Synodam-Paritany Fiherenana Toliara|SP Fiherenana Toliara]] (SPFT), [[Synodam-Paritany Betioky Atsimo|SP Betioky Atsimo]] (SPBA), [[Synodam-Paritany Atsinanana|SP Atsinanana]] (SPAts), [[Synodam-Paritany Menabe|SP Menabe]] (SPM), [[Synodam-Paritany Toamasina|SP Toamasina]] (SPTm), [[Synodam-Paritany Boina Mahajanga|SP Boina Mahajanga]] (SPBM), [[Synodam-Paritany Fisakana|SP Fisakana]] (SpaFi), [[Synodam-Paritany Faradofay|SP Faradofay]] (SPFa), [[Synodam-Paritany Ambovombe Androy|SP Ambovombe Androy]] (SPAA), [[Synodam-Paritany Antsiranana|SP Antsiranana]] (SPA), [[Synodam-paritany Manakara (FLM)|SP Manakara]] (SPMa), [[Synodam-Paritany Nosivolo|SP Nosivolo]] (SPN), [[Synodam-Paritany Anala|SP Anala]] (SPAN), [[Synodam-Paritany Horombe|SP Horombe]] (SPH), [[Synodam-Paritany Antananarivo|SP Antananarivo]] (SPAnta), [[Synodam-Paritany Melaky|SP Melaky]] (SPMel), [[Synodam-Paritany Alaotra|SP Alaotra]] (SPAl), [[Synodam-Paritany Avaratra Atsinanana|SP Avaratra Atsinanana]] (SPAvA), [[Synodam-Paritany Andriry Betroka|SP Andriry Betroka]] (SPAB), [[Synodam-Paritany Sofia|SP Sofia]] (SPSofia), [[Synodam-Paritany FLM Eoropa|SP FLM Eoropa]] (SPFLME), [[Synodam-Paritany Ambodiharan' i Vondrozo|SP Ambodiharan' i Vondrozo]] (SPAV), ary [[Synodam-Paritany Atsimonimania|SP Atsimonimania]] (SPAtsim)

Ireto ny filohan' ny synodam-paritany talohan' ny fanavaozana ny birao tamin' ny taona 2020:
# SP Avaratrimania (SPAM): Pastora Ratolojanahary Andriamanampisoa.
# SP Afovoany (SPAf): Pastora Rralaivao François.
# SP Fiherenana Toliara (SPFT): Pastora Razafimahatratra Angelos Modeste.
# SP Betioky Atsimo (SPBA): Pastora Mahatoky Tsiombota.
# SP Atsinanana (SPAts): Pastora Andrianjafy Octave Bénil.
# SP Menabe (SPM): Pastora Velomahatombo.
# SP Toamasina (SPTm): Pastora Kotosoa Claire.
# SP Boina Mahajanga (SPBM): Pastora Rakoto Andriamamonjimisainasoa.
# SP Fisakana (SpaFi): Pastora Randriamandimbisoa Alfred.
# SP Faradofay (SPFa): Pastora Manarintsoa  Rakotondravony Soloson.
# SP Ambovombe Androy (SPAA): Pastora Mampitohy Elia.
# SP Antsiranana (SPA): Pastora Razafinarivo Robelson.
#SP Manakara (SPMa): Pastora Ratsitintanirina Gastrien.
# SP Nosivolo (SPN): Pastora Rafamantanantsoa Zafimbelo Nelson.
# SP Anala (SPAN) Pastora Randriamanantena.
# SP Horombe (SPH): Pastora Andrianandraina Jean Josefa.
# SP Antananarivo (SPAnta): Pastora Dr. Razafindrakoto Andrianoelina Georges.
# SP Melaky (SPMel): Pastora Razafindrainiparisolo Mamy R.
# SP Alaotra (SPAl): Pastora Ramanandraibe Helson Martin.
# SP Avaratra Atsinanana (SPAvA): Pastora Razafimahatratra Jean de Dieu.
# SP Andriry Betroka (SPAB): Pastora Rasolondrazany Manoela.
# SP Sofia (SPSofia):Pastora Toto Armand.
# SP FLM Eoropa (SPFLME): Pastora Dr. Rakotondreazaka Habberstad.
# SP Ambodiharan' i Vondrozo (SPAV): Pastora Kotobesoa.
# SP Atsimonimania (SPAtsim): Pastora Randriandrina Joelson.
Tsy mitsaha-mitombo anefa ny fangatahana ny fiforonan' ny synodam-paritany vaovao noho ny antony maro.

=== Sampan-draharaha sy sampana velona ===
Ny Fiangonana Loterana Malagasy dia manana fikambanana ("sampana") mirafitra ao anatin' ny fiangonana, izay atao hoe "sampan-draharaha" sy "sampana velona".

==== Ny "sampan-draharaha" ao amin' ny FLM ====
Maromaro ihany ny sampan-draharaha ao amin' ny FLM, ka ireto ny santionany amin' izany:

*Tafika Masina Maharitra (TMM);
*Trano Printy Fiangonana Loterana Malagasy (TPFLM)<ref><small>"[http://www.flm-foibe.org/trano-printy-flm/ Trano Printy FLM] {{Wayback|url=http://www.flm-foibe.org/trano-printy-flm/|date=20211114082749}}", in ''flm-foibe.org''</small></ref>;
*Fampianarana sy Fanabeazana Loterana (FFL);
*Fampianarana sy Fanabeazana Teolojika Loterana (FFTL)<ref name=":2"><small>"[http://www.flm-foibe.org/fampianarana-sy-fanabeazana-teolojika-loterana/ Fampianarana sy Fanabeazana Teolojika Loterana] {{Wayback|url=http://www.flm-foibe.org/fampianarana-sy-fanabeazana-teolojika-loterana/|date=20211114084335}}", in ''flm-foibe.org''</small></ref>;
*[[Sekoly Ambony Loterana momba ny Teolojia]] (SALT)<ref name=":2" />;
*Foibe Loterana momba ny Fifandraisana (FLF)<ref><small>"[http://www.flm-foibe.org/flf-foibe-loterana-momba-ny-fifandraisana/ FLF (Foibe Loterana Momba Ny Fifandraisana)] {{Wayback|url=http://www.flm-foibe.org/flf-foibe-loterana-momba-ny-fifandraisana/ |date=20211114092708 }}", in ''flm-foibe.org''</small></ref>;
*Sampan' Asa Loterana momba ny Fahasalamana (SALFA)<ref><small>"[http://www.flm-foibe.org/salfa/ SALFA] {{Wayback|url=http://www.flm-foibe.org/salfa/ |date=20211114091406 }}", in ''flm-foibe.org''</small></ref>;
*Foibe Fanabeazana ny Jamba (FOFAJA)<ref><small>"[http://www.flm-foibe.org/fofaja/ FOFAJA] {{Wayback|url=http://www.flm-foibe.org/fofaja/ |date=20211114082702 }}", in ''flm-foibe.org''</small></ref>;
*Foibe Fanabeazana ny Marenina (FOFAMA)<ref><small>"[http://www.flm-foibe.org/fofama/ FOFAMA] {{Wayback|url=http://www.flm-foibe.org/fofama/ |date=20211114092705 }}", in ''flm-foibe.org''</small></ref>;
*Fanentanana Fambolena sy Fiompiana (FAFAFI);
*Asa Misiona Loterana amin' ny Tantsambo (AMLT)<ref><small>"[http://www.flm-foibe.org/amlt-asa-misiona-loterana-aminny-tantsambo/ AMLT – Asa Misiona Loterana Amin’ ny Tantsambo] {{Wayback|url=http://www.flm-foibe.org/amlt-asa-misiona-loterana-aminny-tantsambo/|date=20211114091258}}", in ''flm-foibe.org''</small></ref>;
*Asa Fitoriana amin' ny Hasila (SHALOM)<ref><small>"[http://www.flm-foibe.org/shalom/ SHALOM] {{Wayback|url=http://www.flm-foibe.org/shalom/ |date=20211114082745 }}", in ''flm-foibe.org''</small></ref>;
*Fampandrosoana eo Anivon' ny Loterana (FAniLo);
*Akanin' ny Marenina (AKAMA)<ref><small>[https://www.madagate.org/reportages/photos/2208-akama-les-enfants-malentendants-dans-la-cour-des-grands-a-iavoloha.html "AKAMA : les enfants malentendants dans la cour des grands à Iavoloha]", ''www.madagate.org''</small></ref><ref><small>"[https://www.studiosifaka.org/magazines/question-a-ho-aho/item/5892-aka-ma-ou-akanin-ny-marenina-un-etablissement-scolaire-prive-specialise-pour-les-eleves-malentendants.html AKAMA ou "Akanin' ny Marenina": un etablissement scolaire privé spécialisé pour les eleves malentendants]", ''www.studiosifaka.org''</small></ref><ref><small>"[https://ledefi.mg/sekoly-akama-67-ha-tsy-natokana-ho-anny-ankizy-marenina-fotsiny-ihany/ Sekoly AKAMA 67 HA: tsy natokana ho an' ny ankizy marenina fotsiny ihany]", ''ledefi.mg''</small></ref>;
*Ivontoerana Loterana ho Fampivoarana ny Vehivavy (ILOFAV)<ref><small>"F[https://mg.wikipedia.org/w/index.php?title=Fiangonana_Loterana_Malagasy&veaction=edit&section=15 ikambanam-Behivavy Loterana]", ''www.flm-foibe.org''</small></ref>;
*(FAFITO)<ref><small>"[http://www.flm-foibe.org/fafito/ FAFITO] {{Wayback|url=http://www.flm-foibe.org/fafito/ |date=20211114082707 }}", in ''flm-foibe.org''</small></ref>.
Ankehitriny ny FLM dia manana sekoly maro (miisa 300) sy toeram-pitsaboana (miisa 44 mirafitra amin' ny SALFA), sekoly ho an' ny moana-marenina sy ny jamba (miisa 6), toeram-piofanana amin' ny fambolena sy ny fiompiana ho fampandrosoana ny eny ambanivohitra. Ny SALFA dia mandray anjara amin' ny fitsaboana, ny fanampiana ny zaza tsy ampy sakafo, ny fandrindram-pianakaviana ary ny fisorohana ny VIH/SIDA. 

==== Ny "sampana velona" ao amin' ny fiangonana ====
Maromaro koa ny "sampana velona" na sampam-pikambanana ao amin' ny FLM, ka ireto avy izy ireo:

* [[Sekoly Alahady Loterana Malagasy]] (SALoMa)<ref><small>"[http://www.flm-foibe.org/saloma/ SALOMA (Sekoly Alahady LOterana MAlagasy)] {{Wayback|url=http://www.flm-foibe.org/saloma/ |date=20211114082711 }}", in ''flm-foibe.org''</small></ref>;

* [[Fiombonan' ny Kristiana Tanora Loterana Malagasy]] (FKTLM)<ref><small>"[http://www.flm-foibe.org/ktlm/ KTLM (Kristiana Tanora Loterana Malagasy)] {{Wayback|url=http://www.flm-foibe.org/ktlm/ |date=20211114092702 }}", in ''flm-foibe.org''</small></ref>;

* [[Vokovokomanga Loterana Malagasy]] (VLM)<ref><small>"[http://www.flm-foibe.org/vlm-vokovokomanga-loterana-malagasy/ VLM : Vokovokomanga Loterana Malagasy] {{Wayback|url=http://www.flm-foibe.org/vlm-vokovokomanga-loterana-malagasy/ |date=20211114082727 }}", in ''flm-foibe.org''</small></ref>;

* [[Fikambanana Skoto eto amin' ny FLM]] (FSFLM)<ref><small>"[http://www.flm-foibe.org/fsflm/ FSFLM] {{Wayback|url=http://www.flm-foibe.org/fsflm/ |date=20211114082709 }}", in ''flm-foibe.org''</small></ref>;
*[[Fikambanam-Behivavy Loterana]] (FBL)<ref><small>"[http://www.flm-foibe.org/fikambam-behivavy-loterana/ Fikambanam-Behivavy Loterana] {{Wayback|url=http://www.flm-foibe.org/fikambam-behivavy-loterana/ |date=20211114082704 }}", in ''flm-foibe.org''</small></ref>;
* [[Fikambanan-Dehilahy Loterana]] (FDL);
* [[Firaisan' ny Fifohazana Loterana]] (FIFIL).

==== Serasera anatiny ao amin' ny FLM ====
Nanomboka ny volana Avrily 2014 dia nisokatra ny tranonkala ôfisialin' ny FLM, iarahana amin' ny zanaky ny fiangonana, eo amin' ny sahan' ny FLM. Fitoriana mampiasa fitaovan-tserasera aterineto izy io. Natao ho azo tsidihin' ny rehetra, ary ity no adiresy ahitàna azy: [http://www.loterana-malagasy.org www.loterana-malagasy.org]<ref><small>{{Cite web|title=kopian'ny arisiva|url=http://www.loterana-malagasy.org/|access-date=2023-08-10|archive-date=2018-01-22|archive-url=https://web.archive.org/web/20180122131313/http://www.loterana-malagasy.org/|url-status=bot: unknown}}</small></ref> Fampianarana maro, fizaram-baovao, toriteny, lahateny, hira, onjam-peo handaharana hira sy fampianarana sns no navondrona tao amin' io sehatra io mba ahafahan' ny Kristiana manovo hery sy aim-panahy. Araka izany dia fiaraha-miasa avy amin' ny rehetra izy io, ary ny FLM foibe no nanome ny fahazoan-dàlana amin' izany, rehefa nahazo tsodrano avy amin' ny filohan' ny Fiangonana Loterana Malagasy. Ny fototra iorenany sy ny asany dia ny an' ny fiangonana ihany: [[Sola scriptura|Soratra Masina irery ihany]], [[Sola gratia|fahasoavana irery ihany]], [[Sola fide|finoana irery ihany]], [[Solus Christus|Jesosy irery]] ihany.

=== Fifandraisan' ny FLM amin' ny fiangonana sy fikambanana hafa ===

==== Fifandraisany amin' ny fiangonana eto Madagasikara ====
Mikambana ao amin' ny [[Fiombonan'ny Fiangonana Kristiana eto Madagasikara|Fiombonan' ny Fiangonana Kristiana eto Madagasikara]] (FFKM) izay ivondronany amin' ny [[Eglizy Katolika Apostolika Romana (Madagasikara)|Eglizy Katolika Apostolika Romana]] (EKAR) sy ny [[Fiangonan'i Jesoa Kristy eto Madagasikara|Fiangonan' i Jesoa Kristy eto Madagasikara]] (FJKM) ary ny [[Eklesia Episkopaly Malagasy]] (EEM) ny FLM. Mpikambana ao amin' ny [[Fiombonan'ny Fiangonana Protestanta eto Madagasikara|Fiombonan' ny Fiangonana Protestanta eto Madagasikara]] (FFPM) koa izy miaraka amin' ny FJKM.

==== Fifandraisany amin' ny any ivelan' i Madagasikara ====
[[Sary:Second conference of the African lutheran Churches in Madagascar.jpg|vignette|Fivoriamben' ny Fiangonana Loterana aty Afrika, natao teto Madagasikara.]]
Mifandray sy mikambana ao amin' ny ''[[World Council of Churches]]'' ("Fiombonan' ny fiangonana maneran-tany") nanomboka tamin' ny taona 1966 ny FLM. Mikambana ao amin' ny ''[[Lutheran World Federation]]'' (malagasy: Fiombonan’ ny Fiangonana Loterana Eran-Tany na FFLET) sy ny ''[[All Africa Conference of Churches]]'' ("Fiombonan' ny fiangonana eran' i Afrika") koa izy.

Mifandray amin' ny ''[[Fiangonana Loterana - Sinôdan' i Missouri|Lutheran Church–Missouri Synod]]'' (LCMS) ny FLM sady nankato tamin' ny alalan' ny fifidianana tamin' ny 25 Mey 2018 ny hampisy firaisana bebe kokoa amin' ny samy Kristiana loterana<ref><small>[https://ilc-online.org/2018/05/28/malagasy-lutherans-to-seek-fellowship-with-the-lcms/ "Malagasy Lutherans to seek fellowship with the LCMS, International Lutheran Council"]. [[:en:International_Lutheran_Council|International Lutheran Council]]. 28 May 2018.</small></ref>. Voaray ho mpikambana feno ao amin' ny ''[[International Lutheran Council]]'' (ILC) ny FLM tamin' ny fivoriambe natao tao Antwerp any Belzika tamin' ny 25-26 Septambra 2018<ref><small>Ny ILC dia nandray fiangonana mpikambana vaovao miisa 17 izay misy mpivavaka loterana miisa 4 150 000 eran'izao tontolo izao, [https://ilc-online.org/2018/09/26/ilc-welcomes-17-new-member-churches-representing-4-15-million-lutherans-worldwide/ International Lutheran Council Official Website, 26 Septambra 2018]</small></ref>.

Saika nanapaka ny fifandraisany amin' ny [[Fiangonana Loterana Evanjelika ao Amerika|Evangelical Lutheran Church in America]] (ELCA) ny FLM noho ny naneken' io fiangonana io ny fitsofan-dranom-panambadian' ny samy lehilahy na ny samy vehivavy, sy ny fanokanana ho mpitondra fiangonana ny lehilahy manambady lehilahy na ny vehivavy manambady vehivavy<ref><small>Luo, Michael; Capecchi, Christina (August 22, 2009). [https://www.nytimes.com/2009/08/22/us/22lutherans.html?hpw "Lutheran Group Eases Limits on Gay Clergy"]. ''The New York Times''.</small></ref>. Tsy sahala amin' ny nataon' ny fiangonana loterana hafa toy ny fiangonana loterana etiôpiana Evangelical Mekane Yesus Fellowship in North America (ao Amerika) sy ny [[Fiangonana Evanjelika Etiôpiana Mekane Iesosy|Ethiopian Evangelical Church Mekane Yesus]] (ao [[Etiôpia]]) izay nanapaka ny fifandraisana izany <ref><small>[http://www.christianpost.com/news/ethiopian-church-severs-ties-with-lutherans-over-homosexuality-89745/ Ethiopian Church Severs Ties With Lutherans Over Homosexuality] (notsidihina tamin'ny 12/12/2018).</small></ref>. 

== Ny finoany ==

=== Soratra Masina ===
Amin' ny Fiangonana Loterana Malagasy dia ny [[Kanônan' ny Baiboly|boky kanônika]] ao amin' ny [[Baiboly]] (ilay [[Baiboly prôtestanta|ampiasain' ny Prôtestanta]]), dia ny [[Testamenta Taloha]] sy ny [[Testamenta Vaovao]] no [[Soratra Masina]] anorenany ny finoany sy ny fampianarany<ref><small>Fiangonana Loterana Malagasy, ''Lalampanorenana an'ny Fiangonana Loterana Malagasy'', KSL-21 Toliary, Septambra 2012, p. 7.</small></ref>. 

=== Fampianaram-pinoana sy fanekem-pinoana ===
Ireto avy ireo boky mirakitra ny fampianaram-pinoan' ny Fiangonana Loterana Malagasy<ref name=":0"><small>Fiangonana Loterana Malagasy, ''Lalampanorenana an'ny Fiangonana Loterana Malagasy'', KSL-21 Toliary, Septambra 2012, p. 7.</small></ref>: 

* ny [[Boky Symbolika]],
* ny [[Kônfesiôna Aogostana]],
* ny [[Foto-pianarana kely]], nosoratan' i [[Martin Lotera|Lotera]].
Ireto ny [[fanekem-pinoana ekiomenika]] eken' ny Fiangonana Loterana Malagasy, dia ny [[Fanekem-pinoana apôstôlika|Fanekam-pinoana apôstôlika]] sy ny [[Fanekem-pinoana nikeana]] ary ny [[Fanekem-pinoana atanaziana]]<ref name=":0" />.

==== Ny fanekem-pinoana apôstôlika ====
"Mino an' [[Andriamanitra Ray]] Tsitoha, [[Famoronana (araka ny Baiboly)|Mpanao ny lanitra sy ny tany]] aho; Ary mino an' i [[Jesoa|Jesosy Kristy]], [[Andriamanitra Zanaka|Zanaka]] lahy Tokana Tompontsika. Izay notorontoronina tamin' ny [[Fanahy Masina]], naterak' i [[Maria (renin' i Jesoa)|Maria]] [[Fiteraham-birijiny|Virijiny]], nijaly raha nanapaka i [[Pôntio Pilato|Pontio Pilato]], nohomboana tamin’ ny [[Hazo fijaliana|hazofijaliana]], maty ka nalevina, [[Fidinan' i Kristy any amin' ny fiainan-tsi-hita|nidina tany amin' ny fiainan-tsi-hita]], [[Fitsanganan' i Jesoa ho velona|nitsangana tamin’ ny maty]] tamin’ ny andro fahatelo, [[Fiakaran' i Kristy any an-danitra|niakatra ho any an-danitra]], mipetraka eo ankavanan' Andriamanitra Ray Tsitoha, avy any no [[Fiavian' i Kristy fanindroany|hihaviany]] [[Fitsarana farany|hitsara]] ny velona sy ny maty. Mino ny Fanahy Masina aho, ny Fiangonana Masina manerana izao tontolo izao, ny fiombonan' ny [[Olo-masina|olona masina]], ny [[famelan-keloka]], ny [[Fitsanganan-ko velona|fitsanganan' ny tena amin' ny maty]] ary ny [[fiainana mandrakizay]]. [[Amena]]."

Fanamarihana: Novana amin' ny hoe "Zanaka Lahy Tokana" ny hoe "Zanany Lahy Tokana" ao amin' ity fanekem-pinoana ity.

==== Ny fanekem-pinoana niseana ====
"Izaho mino an' Andriamanitra Tokana, Ray tsitoha, Mpanao ny lanitra sy ny tany ary ny zavatra rehetra, na ny hita na ny tsy hita.

Izaho mino an' i Jesosy Kristy Tompo Tokana, [[Zanak' Andriamanitra (kristianisma)|Zanak' Andriamanitra]] Lahitokana; nateraky ny [[Andriamanitra Ray|Ray]] talohan' ny fotoana rehetra; Andriamanitra avy amin' Andriamanitra; fahazavana avy amin' ny fahazavana, Andriamanitra marina avy amin' Andriamanitra marina; nateraka fa tsy noharina; miray [[Sobstansa (teôlôjia)|Sobstansa]] (Izy maha-Izy Azy) amin' ny Ray; amin' ny alalany no [[Famoronana (araka ny Baiboly)|nahariana]] ny zavatra rehetra. Noho isika [[Antrôpôlôjia kristiana|olombelona]] sy ny [[famonjena]] antsika no nidinany avy any an-danitra, ary [[Fahatongavana ho nofo (kristianisma)|tonga nofo]] notorontoronin' ny [[Fanahy Masina (kristianisma)|Fanahy Masina]] tao an-kibon' i [[Maria (renin' i Jesoa)|Maria]] [[Fiteraham-birijiny|virijina]] ka [[Fahatongavana ho nofo (kristianisma)|natao olombelona]]; [[Fanomboana an' i Jesoa|nohomboana]] tamin' ny [[hazo fijaliana]] koa hisolo antsika fony nanapaka [[Pôntio Pilato|Pontio Pilato]]; nijaly ary nalevina; ary [[Fitsanganan' i Jesoa ho velona|nitsangana]] indray tamin' ny andro fahatelo araka ny [[Soratra Masina]]; [[Fiakaran' i Kristy any an-danitra|niakatra]] ho any an-danitra; mipetraka eo ankavanan' ny Ray, ary [[Fiavian' i Kristy fanindroany|ho avy indray]] amim-boninahitra [[Fitsarana farany|hitsara]] ny velona sy ny maty, ary tsy hanam-pahataperana ny [[Fanjakan' Andriamanitra|fanjakany]].

Izaho mino ny Fanahy Masina, Izay Tompo sady Mpamelona; Izay [[Filioque|avy amin' ny Ray sy ny Zanaka]]; Izay itsaohana sy omem-boninahitra miaraka amin' ny Ray sy ny Zanaka; Izay niteny tamin' ny alalan' ny [[mpaminany]].

Izaho mino ny Fiangonana tokana, masina, apostolika, manerana izao tontolo izao. Izaho manaiky ny [[batisa]] iray ho famelan-keloka, ary miandry ny [[Fitsanganan-ko velona (kristianisma)|fitsanganan’ ny maty]] sy ny [[fiainana mandrakizay]]. [[Amena]]."<ref><small>Taorian' ny nikambanany ao amin' ny FFKM vao nanomboka niezaka nanonona ity fanekem-pinoana ity ny FLM.</small></ref>

=== Filamatra ===
Noraisin' ny FLM ho teny filamatra ny ''[[Solae dimy|Solae]]'' ("irery ihany") izay namintinana ny fototra iorenan' ny [[Fanavaozana prôtestanta|Reformasiona]], dia ny hoe: "Fahasoavana irery ihany" (''[[Sola gratia]]''), "Finona irery ihany" (''[[Sola fide]]''), "Soratra Masina irery ihany" (''[[Sola scriptura|Sola Scriptura]]'') ary "Jesosy irery ihany" (''[[Solus Christus]]''). Manampy an' io ny hoe "An' Andriamanitra irery ihany ny voninahitra" (''[[Soli Deo gloria]]'') sy ny maha [[Asam-pisoronan' ny mino rehetra|mpisorona ny mino rehetra]].

== Jereo koa ==

* '''Kristianisma maneran-tany sy eto Madagasikara:'''
** [[Synodam-paritany Manakara (FLM)]]
** [[Kristianisma]]
** [[Prôtestantisma]]
** [[Loteranisma]]
** [[Loteranisma eto Madagasikara]]
** [[Prôtestantisma eto Madagasikara]]
** [[Kristianisma eto Madagasikara]]
** [[Fiombonan' ny Fiangonana Kristiana eto Madagasikara|Fiombonan' ny Fiangonana Kristiana eto Madagasikara (FFKM)]]
** [[Fiombonan' ny Fiangonana Protestanta eto Madagasikara|Fiombonan' ny Fiangonana Prôtestanta eto Madagasikara (FFPM)]]
** [[Fikambanana Skoto eto amin' ny Fiangonana Loterana Malagasy]]

* '''Fampianaram-pinoan' ny FLM'''
** [[Baiboly]] - [[Baiboly amin' ny teny malagasy]] - [[Baiboly prôtestanta amin' ny teny malagasy]]
** ''[[Sola fide]] - [[Sola scriptura]] - [[Solus Christus]] - [[Soli Deo gloria]] - [[Sola gratia]]''

== Rohy ivelany ==

* [http://www.loterana-malagasy.org Fiangonana Loterana Malagasy] {{Wayback|url=http://www.loterana-malagasy.org/ |date=20180122131313 }}
* [http://www.flm-orleans.org FLM Orléans] {{Wayback|url=http://www.flm-orleans.org/ |date=20180126160555 }}
* [http://www.flmparis.org FLM Malagasy eto Paris]
* [https://sites.google.com/site/flmsynodamparitanymanakaraspma/home FLM SPMa] {{Wayback|url=https://sites.google.com/site/flmsynodamparitanymanakaraspma/home |date=20201020085039 }}
*"[https://www.oikoumene.org/fr/member-churches/malagasy-lutheran-church-flm Église luthérienne malgache]", ''www.oikoumene.org''
*Conseil Œcuménique des Eglises: https://www.oikoumene.org/fr
*"[http://www.lagazette-dgi.com/?p=33113 Ny Fiangonana loterana malagasy: mila fanadiovana] {{Wayback|url=http://www.lagazette-dgi.com/?p=33113 |date=20210826094610 }}", ''La Gazette de la Grande Ile''.
*"[https://www.flm-foibe.org/fiangonana-loterana-malagasy/ Fiangonana Loterana Malagasy] {{Wayback|url=https://www.flm-foibe.org/fiangonana-loterana-malagasy/ |date=20231111235328 }}", in [https://www.flm-foibe.org/ flm-foibe.org/] {{Wayback|url=https://www.flm-foibe.org/ |date=20231129185841 }}
*"[https://digitalcollections.sit.edu/cgi/viewcontent.cgi?article=2785&context=isp_collection La Gloire ou la Croix: The Fiangonana Loterana Malagasy, Independent Churches, and Nouvelles Fois in Antsirabe]" in [https://digitalcollections.sit.edu/ digitalcollections.sit.edu/]
*"[https://www.fjkm.mg/index.php/2021/10/19/fiombonanny-fiangonana-protestanta-eto-madagasikara-f-f-p-m/ Fiombonan' ny Fiangonana Protestanta eto-Madagasikara (FFPM)/]" in [https://www.fjkm.mg/ fjkm.mg]

== Boky azo anovozan-kevitra ==

* Fiangonana Loterana Malagasy, ''Ny Fanekem-pinoan' ny Fiangonana Loterana Malagasy'', Antananarivo, Trano Printy Loterana Malahasy, 1972.
* Fiangonana Loterana Malagasy, ''Lalampanorenana an' ny Fiangonana Loterana Malagasy'', KSL-21 Toliary, Septambra 2012.
* J. Tanner, nadikan'i F. S. Hallanger, ''Dogmatika tsotra'', Antananarivo, Trano Printy Fiangonana Loterana Malagasy, 1972, edisiona 2006.
* L. Dahle, ''Symbolika na Fampianarana ny amin' izay inoana'', Antananarivo, Trano Pirinty Fiangonana Loterana Malagasy,  edisiona fahadimy 2004.
* Rakotonirina David, ''Taramasoandro: Fampahafantarana izay maha Loterana antsika'', Seminera Teolojikam-paritany Loterana, Atsimoniavoko, Antananarivo, 2006.
* Martin Lotera, ''Katekisma na Fotopianarana'', Trano Printy Lotarana, Antananarivo, 1971.
* Martin Lotera, ''Ny Katekisma na Fotopianarana Lehibe'', Trano Printy Loterana Fiangonana Loterana Malagasy, Antananarivo, 1970, edisiona 1993.

== Loharano sy fanamarihana ==
{{reflist}}
[[Sokajy:Fiangonana ao Madagasikara]]
[[Sokajy:Fiangonana loterana]]