Felan-dravina
Ny felan-dravina na pela-dravina dia ampahany amin' ny ravina mipetaka eo amin' ny faran' ny tangozan-dravina. Mivelatra be amin' ny ankapobeny ity ampahany amin' ny ravina ity ary misy sela fôtôsintetika maro, satria io no taova mety indrindra amin' ny fakana angovon-kazavana. Mety mitohy mankany amin' ny tangozan-dravina ny felan-dravina.
Afaka mampitodika ny pela-dravina ny zavamaniry sasany, arakaraka ny fiposahan' ny tara-masoandro, mba hampitomboana ny taratra na hamerana voaray. Izany no toetran' ny akasia (Acacia) maro.