Ekliptika

Araka ny hita avy amin' ny Tany mihodidina, ny Masoandro dia toa mihetsika manoloana ny kintana tsy mihetsika, ary ny ekliptika dia ny lalana isan-taona arahin' ny Masoandro eo amin' ny habaky ny lanitra. Ity hetsika ity dia miverimberina ao anatin' ny tsingerina maharitra 365 andro mahery kely.

Ny ekliptika na lemaka ekliptika dia ny lemaka misy ny lalan' ny Tany ihodinany amin' ny Masoandro. Araka ny fijerin' ny mpandinika eto amin' ny Tany, ny hetsiky ny Masoandro manodidina ny bolan-danitra mandritra ny herintaona dia mamakivaky lalana manaraka ny ekliptika izay toa anatin' ny faritra misy ny kintana. Ny ekliptika dia lemaka iaingana manan-danja sady fototry ny lamim-pangitra ekliptika.