Wikipedia:Dikan-tsoratry ny abidy sirilika

Avy amin'i Wikipedia

Maro ireo dikan-tsoratra fampiasa amin'ny abidy sirilika. Indrisy, arakaraky ny teny faharoa nianaranao (frantsay, espaniola, na anglisy) dia mety samihafa ny fomba andikanao soratra ny anarana voasoratra amin'ny abidy sirilika. Na dia marina aza fa lehibe tanatin'ny fomba fijery frantsay ny kolontsaina vahiny ny malagasy, tsy ny dikan-teny frantsay no ampiasaintsika eto fa ny torolalana nomen'ny Akademia Malagasy, ary ho itarintsika amin'ny fandikana ny abidy sirilika.

Abidy sirilika ary ny dikan-tsoratra[hanova ny fango]

Ny mahasarotra ny fandikana ny abidy sirilika amin'ny teny malagasy dia ny tsifisian'ny teny malagasy ny feo [ʃ], [t͡ʃ], [ʒ] ary [d͡ʒ]. Rehefa natao ny fanadiadiana dia hodikaina sh, ch, zh ary j izy ireo. Ny [i] ary ny [j] dia hodikaina i eny an-tenantenan-teny ary y amin'ny farany. Ny [u] dia hodikaina o ary ny [o] kosa dia hodikaina ô.

Fiantraikany[hanova ny fango]

Araka izany dia tsara adinoina ireo fahazarana azontsika noho ny fijerentsika ny tontolo any ivelany amin'ny alalan'ny «solomaso frantsay» na «anglisy». Ireto ny ohatra vitsivitsy hanomezana sary an-tsaina ny fiantraikany :

  • 67P/Choriomôv-Gerasimenkô no anaran'ny kometa nipetrahan'i Philae fa tsy 67P/Tchourioumov-Guérassimenko na 67P/Churiumov-Gerasimenko.
  • Vladimir Ilich Olianôv Lenin no anaran'i Lenin fa tsy Vladimir Ilitch Oulianov Lénine na Vladimir Ilich Ulianov.
  • Nizhny Nôvgôrôd no ho dikan-tsoratr'i Нижний Новгород fa tsy Nijni Novgorod.
  • Iory Alekseievich Gagarin no ho dikan-tsoratr'i Юрий Алексеевич Гагарин Youri Alexeïevitch Gagarine na Yuri Alekseyevich Gagarin.
  • toa izay hatrany.