Tobim-pamatrarana
Ny tobim-pamatrarana dia toerana midadasika sy mihidy noforonina mba hamondronana sy hihazonana mponina heverina ho fahavalo, amin' ny ankapobeny ao anatin' ny toe-piainana tena mahantra sy mampijaly. Izany mponina izany dia mety hahitana mpanohitra ara-pôlitika, teratany avy amin' ny firenena fahavalo, vondrom-poko na antokom-pivavahana manokana, sivily avy amin' ny faritra ahitana ady mafy, na vondron' olona hafa, matetika mandritra ny ady. Ny olona dia tazomina noho ny fepetra ankapobeny, tsy misy fitsarana, fa tsy noho ny didim-pitsarana manokana. Ny hoe "tobim-pamatrarana" dia fantatra indrindra amin' ny famoronana toby maro nataon' ny fitondran' ny Nazi. Na dia nitarika ho amin' ny taham-pahafatesana sy fahafatesana aza ny fepetra fitazonana any amin' ny tobim-pamatrarana nataon' ny Nazi dia miavaka amin' ny ivontoeram-pandripahana Nazi izy ireo.