Tendrombohitra Tabôra
(tonga teto avy amin'ny Tendrombohitra Tabara)
Ny Tendrombohitra Tabôra na Tendrombohitra Tabara dia havoana any Galilea Ambany, any Israely, eo amin’ ny farany atsinanan’ ny Lohasahan' i Jezirela, 18 km any andrefan' ny Ranomasin’ i Galilea. Amin' ny teny arabo izy dia atao hoe جبل طابور; fa amin' ny teny hebreo kosa dia הר תבור / Har Tavor.
Ao amin' ny Baiboly hebreo (Jôsoa, Mpitsara), ny Tendrombohitra Tabôra no toerana nisy ny ady teo amin’ ny tafika israelita teo ambany fitarihan’ i Baraka sy ny tafik’ i Jabina, mpanjakan’ i Hazora Kananita, notarihin’ i Sisera.
Ao amin' ny lovantsofina kristiana sasany dia ny Tendrombohitra Tabôra no toerana nisy ny fiovan-tarehin’ i Jesosy.