Sora-miafina amin'ny fanidy abaribary

Avy amin'i Wikipedia
Hanketo: Fikarohana, karohy
Public key encryption.svg

Ny sora-miafina amin'ny fanidy abaribary (anglisy: public key cryptography, frantsay: cryptographie à clef publique) dia fomba fanafenan-kafatra fampiasa amin'ny kajimirindra, indrindra amin'ny tranonkala izay mety mampiasa fifandraisana atao sora-miafina toa ireo tranonkala fivarotan'entana ary mandray vola amin'ny alalan'ny fangalàna ireo laharan-kara-pandoavan'ny mpanjifany amin'ny Aterineto.

Amin'ny sora-miafina amin'ny fanidy abaribary dia samy manana fanidy roa ny mpampiasa:

  • Fanidy abaribary
  • Fanidy afenina

Ny atao hoe fanidy abaribary dia fanidy zarazaraina amin'ny mpikambana ifanakalozana hafatra, ary ny fanidy afenina dia tazonina ho an'ny tena. Hidiana amin'ny alalan'ny fanidy abaribarin'ny mpandefa ny hafatra tonga, anefa kosa ny fanidy afenina izay nanaovana ilay fanidy abaribary no afaka manalahidy ary mamaky an'ilay hafatra. Misy fifandraisana matematika ny fanidy abaribary sy ny fanidy afenina, fa sarotra atao ny mikajy an'ilay fanidy afenina avy amin'ny fanidy abaribary.

Ny sampanana roan'ny sora-miafina amin'ny fanidy abaribary dia:

  • Fanidiana amin'ny fanidy abaribary (anglisy: public key encryption): ny hafatra dia hidiana (afenina) amin'ny alalan'ny fanidy abaribarin'ny mpandray hafatra, ary tsy afaka vakiana raha tsy sokafana amin'ny fanidy afenina.
  • Sonia arak'isa (anglisy: digital signature): ny hafatra nosoniavina tamin'ny fanidy afenin'ny mpandefa dia azo marinin'ny mpahazo hafatra manana ny fanidy abaribarin'ilay mpandefa, ka raha nosoniavin'ilay mpandefa ilay hafatra dia tsy afaka ovain'iza na iza. Ampiasaina amin'ny famantarana (anglisy : authentication) izany.
Nuvola apps ksig.png
Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.