Hijery ny fangon'i Siteny Randrianasoloniaiko

{{infobox olona
|sary= Siteny kere.jpg
|anarana=Siteny Thierry Randrianasoloniaiko
|teraka=27 Jolay 1972
|maty=
|firenena=Madagasikara
|mpiaraka=
|asa=
* [[mpanao politika]]
|taona niasàna=
}}

I '''Siteny Thierry Randrianasoloniaiko''' dia mpanao pôlitika sy mpandraharaha malagasy, izay efa [[solombavambahoaka]]<nowiki/>n' i [[Madagasikara]], teraka tao [[Toliara]] tamin' ny 27 Jolay 1972, efa filohan' ny Vondrona Afrikanan' ny Judo (2023) sy efa filoha lefitry ny Federasiôna Iraisam-Pirenen' ny Judo (2023). Lany ho solombavambahoakan' i Madagasikara eo ambany fanevan' ny IRD (Isika rehetra miaraka amin' i Andry Rajoelina)<ref><small>"[https://www.madagate.org/madagascar-informations-politiques/a-la-une/8113-2023-06-06-09-13-37.html Siteny Randrianasoloniaiko. Un Président de l'UAJ jetant aux orties les statuts de cette entité sportive continentale]", ''www.madagate.org''</small></ref> tamin' ny taona 2013 sy 2019. Kandidà amin' ny fifidianana filoham-pirenena malagasy tamin' ny taona 2023 koa izy. Lany ho solombavambahoaka indray izy tamin' ny taona 2024.

== Zotram-piainana ==

=== Fahazazana sy fanabeazana ===
Avy amin' ny fianakaviana tsotra izy ary lehibe tao Tsianengea, ao [[Toliara]]. Teo amin' ny faha-12 taonany dia nahita judo izy. I Siteny Ebara no rainy ary i Ravaomaria. 14 izy ireo no iray tampo, ka i Siteny no fahatelo. Teo amin' ny faha-20 taonany, taorian' ny nahafatesan-drainy, dia niditra tao amin' ny sehatry ny asa fameloman-tena izy (fiitaterana rano sy fampanofana elo eny an-tsena, avy eo fivarotana firavaka).

Taorian' ny fianarany tany [[Afrika Atsimo]] sy ny fiofanany tany [[Etazonia]] dia niverina teto [[Madagasikara]] izy ka nanangana orinasa manokana momba ny fifandraisan-davitra sy ny haino aman-jery, mpamatsy karatra an-tariby manokana ho an’ ny mpandraharaha Airtel manerana an' i Madagasikara.

=== Fiainany manokana ===
I Siteny Thierry Randrianasoloniaiko dia manambady an' i Nelly Mileva, avy any Bourgas any [[Bolgaria]], izay nifankahita taminy tany [[Afrika Atsimo]] tamin' ny taona 2001. Manan-janaka 5 izy ireo.

=== Fandraharahana ===
Namorona ny fahitalavitra ''TV Plus'' de Toliara tamin' ny taona 2012, avy eo nanagana radio  tamin' ny taona 2013 ary fahitalavitra indray tamin' ny taona 2018, tao Toliara ihany koa. Tamin' io taona io ihany koa no nananganany ny ''British School of Madagascar'' tao [[Antananarivo]].

=== Fanatanjahan-tena ===
Imbetsaka izy no  tompondakan' i Madagasikara ary voafantina imbetsaka teo anivon' ny ekipam-pirenena malagasin' ny taranja [[judo]] nanomboka ny taona 1990, izy no mpanazatra nasionaly talohan’ ny naha-filohan' ny [[Federasiôna Malagasin' ny Judo]] ([[Fiteny frantsay|frantsay]]:  ''Fédération malgache de Judo'') azy tamin' ny taona 2009. Izy koa no filohan' ny [[Kômity Ôlimpika Malagasy]] (frantsay: ''Comité olympique malgache'').

Izy no nitarika ny fikarakarana ny fiadiana ny ho tompondakan' i Afrika eo amin' ny taranja judo teto Antananarivo ny tamin' ny taona 2017 sy 2020. Nandrombaka fadresena izy tamin' ny fifidianana azy ho filohan' ny [[Vondrona Afrikanan' ny Judo]] (frantsay: ''Union africaine de judo'') tamin' ny 18 Mey 2021 ary lasa filoha lefitry ny [[Federasiôna Iraisam-Pirenen' ny Judo]] (frantsay: ''Fédération internationale de judo'') tamin' io fotoana io ihany.

=== Fanaovana pôlitika ===
Solombavam-bahoaka voafidy tao amin' ny fari-pifidianana voalohan' i Toliara, amin' ny anaran' ny tenany tsy miankina amin' antoko tamin' ny taona 2013, i Siteny no nitana ny toeran' ny kestora voalohany tao amin' ny [[Antenimierampirenena (Madagasikara)|Antenimierampirenena]].

Voafidy indray ho solombavambahoakan' i Madagasikara izy tamin' ny taona 2019. Nanohitra mafy ny tetikasa fitrandrahana atao hoe ''[[Base Toliara]]'', izay heveriny fa hanimba ny [[tontolo iainana]], araka ny nambarany, izy.

Lany ho solombavambahoaka' i Toliara izy tamin' ny taona 2024 tao amin' ny Firaisankina<ref>[https://www.madagascar-tribune.com/Resultats-officiels-des-legislatives-du-29-mai-2024.html La Tribune:Résultats officiels des législatives du 29 mai 2024]</ref>

== Loharano sy fanamarihana ==
{{reflist}}
[[Sokajy:Mpanao politika malagasy]] 
[[Sokajy:Solombavambahoaka malagasy]]
[[Sokajy:Judoka malagasy]]