Hijery ny fangon'i Mofo tsy misy masirasira

Ny '''mofo tsy misy masirasira''' na '''mofo tsy misy lalivay'''  dia [[mofo]] taloha vita amin' ny [[voamadinika]] toy ny mofo hafa, saingy tsy misy masirasira na lalivay (tsy mitombo noho ny [[masirasira]]/[[lalivay]] na [[leviora]]) satria [[rano]] sy [[lafarinina]] ihany no atambatra. Atao hoe ἄζυμος / ''ázumos'' ("tsy misy masirasira", "tsy misy lalivay"), ity mofo ity amin' ny teny grika.

== Fampiasana azy amin' ny fivavahana ==

=== Ao amin' ny jodaisma ===
[[Sary:Matzot René Neymann Wasselonne avril 2014.jpg|vignette|<small>Mofo tsy misy lalivay na ''matzot'', sakafo amin' ny Paska jiosy.</small>]]
Ny mofo tsy misy masirasira dia mofo ahandroin' ny [[Jiosy]] mandritra ny fetin' ny [[Paska jiosy|Pasah]] (Paska jiosy) ho fahatsiarovana ny razambeny izay nihinana mofo tsy misy masirasira tamin' ny fahadodonan' izy ireo [[Fivoahan' ny Zanak' i Israely avy any Egipta|niala tany Ejipta]], izay nanandevozana azy ireo, araka ny lovantsofina jiosy (araka ny [[Bokin' ny Eksôdosy]] 12:18). Ny sakafo ara-pomba atao mandritra ny takariva roa voalohany amin' ity fety ity dia antsoina hoe ''[[Sederan' ny Paska|Sedera]]'' ([[Fiteny hebreo|hebreo]]: ''סדר'' / ''Seder'' izay midika hoe "filaminana").

Ny fanomanana ny mofo tsy misy masirasira dia manaraka fitsipika hentitra mba hisorohana ny fiotrehan' ny koba: eo anelanelan' ny fampifangaroana ny [[lafarinina]] sy ny [[rano]] ary ny fandrahoana dia tsy tokony hihoatra ny valo ambin' ny folo minitra, mba tsy hiforonan' ny masirasira ao. Ny mofo tsy misy masirasira atao hoe "''shamur''" ("voaramaso akaiky", antsoina hoe מַצָּה שְׁמוּרָה / ''matzah shemura'') ampiasain' ny ankamaroan' ny [[Jodaisma ôrtôdôksa|Jiosy ôrtôdôksa]] mandritra ny fetin' ny Paska na mandritra ny [[Sederan' ny Paska|Sedera]], dia antsoina toy izany satria vao mainka arahi-maso izy io, na dia alohan' ny fijinjana aza.

=== Ao amin' ny kristianisma ===
[[Sary:Hostia i komunikanty.JPG|vignette|Hôstia na mofom-pandraisana ny Eokaristia na Fanasan' ny Tompo]]
Ny anarana hoe "mofo tsy misy masirasira" dia omena ny mofo ampiasaina ao amin' ny [[Eglizy katôlika rômanina|Eglizy Katôlika]] amin' ny fanamasinana ny [[Eokaristia]]. Amin' ity tranga ity dia mitondra ny anarana hoe "hôstia". 

Ny [[Prôtestantisma|fiangonana prôtestanta]] sasany dia manaraka ny fanao katôlika, fa ny hafa kosa mampiasa na mofo tsy misy lalivay na mofo manify na [[mofo]] mahazatra (misy masirasira), arakaraka ny fomba mahazatra nifandovana ao amin' ny antokom-pivavahany manokana na ny fomba isan-toerana.

Etsy ankilany, ny ankamaroan' ny [[Fiangonana Tatsinanana]] dia mandrara mazava ny fampiasana ny mofo tsy misy masirasira ([[Fiteny grika|grika]]: ''azymos artos'') ho an' ny [[Eokaristia]]. Ny Kristiana tatsinanana dia mampifandray ny mofo tsy misy masirasira amin' ny [[Testamenta Taloha]] ka tsy mamela afa-tsy mofo misy masirasira, ho mariky ny [[Fanekena Vaovao]] ai amin' ny ran' i [[Kristy]].

Raha ny marina, io fampiasana io dia iray amin' ny zavatra telo nifandirana izay heverina ho antony (miaraka amin' ny olana momba ny fahambonian' i Petera sy ny ''[[filioque]]'' ao amin' ny [[Fanekem-pinoana nikeana|Fanekem-pinoana nikeana-kônstantinôpôlitana]]) tamin' ny [[Fisarahan' ny Fiangonana Tatsinanana sy Tandrefana|Fisarahana]] tamin' ny taona 1054 teo amin' ny [[Fiangonana Tatsinanana|Fiangonana tatsinanana]] sy ny [[Kristianisma Tandrefana|Fiangonana tandrefana]].

== Fampiasana azy ivelan' ny fivavahana ==
[[Sary:Soucoupe bonbon.JPG|vignette|<small>Vatomamy vita amin' ny mofo tsy misy masirasira</small>]]
Ankoatra ny heviny ara-pivavahana, ny mofo tsy misy lalivay dia hanin' ny olona sasany hampitoniana ny hanoananana. Ampiasaina tamin' ny fanaovana fonosana fanafody azo atelina, amidy amin' ny fivarotam-panafody ihany koa izy io, saingy tsy misy intsony ankehitriny.

Ity mofo ity dia misy ao amin' ny fanamboarana zava-mamy, indrindra fa any [[Alemaina]] sy any [[Frantsa]], miaraka amin' ny vatomamy fisaka, vita amin' ny mofo tsy misy lalivay sy vovoka siramamy somary makirana ao anatiny.

Ny taratasy hôstia dia ampiasaina hamonosana ilay zava-mamy atao amin' ny [[Fiteny frantsay|teny frantsay]] hoe ''nougat''<ref><small>Ny ''nougat'' dia zava-mamy vita amin' ny tapotsin' atody sy tantely ary amandy.</small></ref> sady ampiasaina ho fanohanana ilay zava-mamy atao amin' ny teny frantsay hoe ''calissons''<ref><small>Ny ''calisson'' dia zava-mamy mampiavaka ny nahandron' ny mponina any Provence (Frantsa), miendrika sambo, vita amin' ny feta avy amin' ny karazana voatango (''Cucumis melo'') (na voankazo hafa nandrahoina amin' ny siramamy) ary miaraka amin' ny amandy voatoto, voarakotra amin' ny gilasy fotsy vita amin' ny tapotsin' atody, apetraka eo amin' ny ambony mofo tsy misy masirasira.</small></ref>.

== Loharano sy fanamarihana ==