Maora (vahoaka)

Niezaka nandresy lahatra ny mpanjaka almohada Abu Hafs Umar al-Murtada ny masoivoho kastiliana mba hanatevin-daharana ny firaisankinany. Fanehoana ankehitriny ny Cantigas de Santa Maria.

Ny Maora dia vahoaka mozilmana sy arabo-berbera tamin' ny Andro Antenatenany nonina tany Iberia, Sisilia, Malta ary Maghreb, ary tany am-boalohany, nandritra ny Andro Taloha, dia ny Berbera tany Afrika Avaratra, indrindra fa any Maghreb. Tsy niavaka tsara tamin’ ny Nomidiana ny Maora raha tsy efa fantatry ny Rômana ny fisian’ ny fanjakana berbera maro tany amin’ ny farany andrefana.

Ankehitriny ny Maora dia vahoaka mpifindrafindra monina, vokatry ny fifangaroan' ny Berbera sy ny Arabo ary ny Afrikana mainty hoditra, monina indrindra any Maoritania, sy any amin' ny tapany andrefana amin' i Sahara, ary any amin' ny tapany atsimo amin' i Marôka. Misy Maora koa ny any Maly sy Senegaly. Atao hoe ⵎⵓⵔⵉⵢⵏ - Imuriyen izy ireo amin' ny teny berbera.