Mantso (vahoaka)
Ny Mantso dia vahoakan' i Azia Avaratra-Atsinanana monina indrindra ao Manchuria. Ny Jorsena dia naka ny anarana hoe "Mantso" rehefa nanafika an' i Sina tamin' ny taonjato faha-17. Amin' ny fiteny mantso izy ireo dia atao hoe ᠮᠠᠨᠵᡠ / manju, fa amin' ny fiteny sinoa kosa dia 满洲人 / mǎnzhōurén. Ny tarana-mpanjaka Jin taty aoriana (1616-1636) sy Qing (1636-1912) dia noforonin' ny Mantso sy nofeheziny. Iray amin' ny foko-firenena enina amby dimampolo ao amin' ny Repoblika Entim-Bahoakan' i Sina ny Mantso.
Ny isan' ny mponina mantso dia 10 682 262 tamin' ny taona 2000 tao Sina, 12 000 tany Taiwan, 1 000 tany Hong Kong ary 1 000 tany Japôna. Ny Mantso dia 0,77 % amin' ny mponina ao Sina sy 9,28 % amin' ny foko vitsy anisa ao Sina. Any amin' ny faritany 31 ao amin' ilay firenena no misy azy ireo, ka mipetraka any Liaoning ny antsasaky ny Mantso fa ny 20 % kosa any Hebei.