Kônsily fahatelo tao Kônstantinôpôly
Ny Kônsily fahatelo tao Kônstantinôpôly na Kônsily fahatelo tao Kônstantinôpla dia kônsily ekiomenika fahenina teo amin' ny tantaran' ny Fivavahana kristiana, izay natao tamin' ny taona 680 sy 681. Nambara tamin' io kônsily io fa manana sitrapo roa i Kristy amin' ny maha olombelona sy Andriamanitra azy, dia sitrapon' olombelona sy sitrapon' Andriamanitra. Ny emperora Kônstantino IV no nampanao io kônsily io mba handaminana ny tsy fifanarahan-kevitry ny Fiangonan' i Kônstantinôpôly sy ny Fiangonan' i Rôma nateraky ny atao hoe mônôtelisma. Nohelohina noho izany ilay atao hoe mônôtelisma izay milaza fa i Kristy dia tsy manana afa-tsy hery iray sy sitrapo iray, dia ny sitrapon' Andriamanitra, na dia manana natiora roa aza.