Georges Andriamanantena

Georges Andriamanantena
Ankapobeny
Anarana	Georges Andriamanantena
Teraka	1 oktobra 1923
Toerana	Antananarivo
Maty	15 septambra 2008
Fiaviana sy ny andraikitra
Firenena	Madagasikara
Asa :	Mpanoratra
Fiainana manokana

I Georges Andriamanantena, fantatra kokoa amin' ny anarany pôeta Rado, dia mpanao gazety, mpanoratra, poeta teraka tamin' ny 1 Oktobra 1923 tao Antananarivo ary maty tamin' ny 15 Septambra 2008.

Fiainany

I Georges Andriamanantena dia teraka tamin' ny 1 Oktobra 1923 tao Ambohipotsy (Antananarivo). Ny rainy dia Andriamanantena Gaston, Mpitandrina (efa-maty) ary ny reny dia Razafindrafara (efa maty). Ny fiaviany amin' ny lafin-dray dia ao Betsizaraina (Antananarivo) fa amin' ny lafin-dreny kosa dia Amboanana (Arivonimamo)

Izy no zandriny indrindra amin’ ny ankohonana nisy 5 mianadahy, nianatra tao amin’ ny sekoly ôfisialin’ i Faravohitra (école officielle de Faravohitra) ao Antananarivo izy tamin' ny taona 1929 ka hatramin’ ny taona 1933, taona nahafatesan’ny reniny, ka niditra tao amin’ny sekoly Ambohijatovo Atsimo (1933-1941) izy ary niditra tao amin’ ny kôlejy Paul Minault tamin' ny taona 1942.

Naka ny solon' anarana amin' ny asa soratra hoe Rado izy noho ny fitiavany ilay ohabolana hoe: "Voahangy mitoham-bolamena, raha misaraka tsy ampy ho rado" (mitory hatsaran-tarehy). Nanambady an' i Ravololona Edwige izy ary niteraka enina mianadahy (4 vavy, 2 lahy) sady manana zafikely efatra amby folo ary zafiafy roa amby folo.

Niditra tao amin' ny sehatry ny asa izy tamin' ny taona 1943 ka lasa mpitan-kaonty tao amin' ny orinasa fiantohana iray tao Antananarivo, avy eo niaraka tamin' ny rahalahiny tamin' ny fanratana ny gazety Hehy. Tamin' ny taona 1960, nianatra fanaovan-gazety tany Strasbourg izy ary niasa ho mpanao gazety hatramin' ny taona 1978, sady nanomboka nanokan-tenany tamin' ny literatiora. Lasa mpikambana tao amin’ ny Akademia Malagasy izy tamin' ny taona 1988.

I Georges Andriamanantena dia mpanoratra amin' ny teny malagasy indrindra ary mpiaro ny kolontsaina malagasy. Namoaka boky folo mirakitra ny tononkalony i Rado, izay tafiditra ao anatin' ny fandaharam-pianarana ho an' ny kilasy ao amin' ny ambaratonga faharoa malagasy. Anisan' ny sanganasany malaza indrindra ny Dinitra, Zo, Sedra, ary Voninkazo Adaladala.: Georges

Fianarana nataony

• 1929 - 1931: École officielle de Faravohitra
• 1932 - 1940: Ambohijatovo Atsimo (FFMA)
• 1941 - 1942: Kolejy Paul Minault
• 1943: Chambre de Commerce (fianarana comptabilité)
• 1959 - 1960: Centre International d’Enseignement Supérieur de Journalisme (Université de Strasbourg - France)

Asa natao

• 1943 - 1955: Préservatrice Assurances
• 1955 - 1966: Gazety Hehy (nanao gazety)
• 1967 - 1974: Talen’ny Trano Famoaham-Boky Protestanta Imarivolanitra
• 1975 - 1977: Niverina tao amin’ny Gazety Hehy
• 1977 - 1989: Tale tao amin’ny Ministeran’ny Fanolokoloana sy ny Zavakanto Revolisionera

Asa soratra

• Dinitra (1973);
• Ando (1977);
• Zo (1980);
• Sedra (1993);
• Ny Teny Malagasy (1994)
• Tsy maintsy mipoaka (2002);
• Voninkazo adaladala (2003);
• Fiteny roa - En deux Langues (2005)

Manana tononkalo voadika amin' ny teny rosiana, anglisy, frantsay, alemana.

Fikambanana

Ireto ny fikambanana nisy azy:

• Havatsa-Upem: Union des poètes et écrivains malgaches;
• Filohamboninahitry ny Fikambananan' ny Mpikabary eto Madagasikara;
• Mpikambana mahefa (membre titulaire) ao amin' ny Akademia Malagasy

Talenta hafa

Indreto koa ny talentany hafa:

• Sary hosodoko, paik’afo (pyrogravure), kiky fitaratra (gravure sur verre), tosi-by (métal repoussé), famoronana hiram-bavaka.
• Ala voly: jono (ranomamy sy ranomasina), filalaovana amin-jafikeliny.

Mari-boninahitra

Nagazo mari-boninahitra izy (nomen' ny fanjakana fa tsy nangatahana):

• Chevalier,
• Officier,
• Commandeur,
• Grand Officier,
• Grand Croix de 2ème classe de l’Ordre National Malagasy

Fampirantiana zavakanto

Ireo ny toerana nanaovany fampirantiana zavakanto:

• Antananarivo,

• Francoville,
• Paris (Frantsa)

Fanolokoloana

Tao an-tokantranon’ ny ray aman-dreninay, ankoatra ny fitaizana kristiana izay tena nimasoan’ izy ireo fatratra, dia nisy koa fanabeazana sy fanolokoloana noraisina tamin’ izy ireo.

• Isaky ny Alarobia hariva, alohan’ny hatoriana, dia misy fotoam-pivavahana iombonanay mianakavy, ka ifandimbiasana isan-kerinandro ny fitarihana azy. Tena nahasoa anay mianadahy isany izany. Ivelan’ny fitaizana azonay teo anivon’ny fiangonana isan’Alahady mantsy dia manatanjaka ny fijoroanay ho kristiana teo anivon’ny fiarahamonina izany, mandraka ankehitriny.

• Aorian’io fiaraha-mivavaka io koa dia ampianarina ny fomba amam-panao maha Malagasy anay. Indrindra ho tia sy hahay ny teny malagasy. Izay tena nimasoan’Idada tamin’izany dia ny fampahafantarana ohabolana malagasy taminay. Tsy maintsy mahay sy mahafantatra iray isan-kerinandro izahay, ary raha ilaina aza dia hiverenena amin’ny manaraka iny raha mbola tsy mazava.

• Ankoatra’ireo dia nampianarina ho tia hira, tantara, angano, mozika, sary, sol-fa, zava-maneno. Azoko lazaina fa ny fampitiavany anay ireny kanto ireny no nitarika anay ho amin’izao toerana misy anay ankehitriny izao: mpanoratra, mpanao gazety, mpamoron-kiram-bavaka, mpanao sary, mpamorona zava-kanto. Nezahiny ny nividy harmonia hianaranay mitendry, na dia elaela ihany aza ny fanefana izany, fa naloa tsikelikely.

• Nampidirina tany amin’ny fitaizana Tily koa izahay mirahalahy. Manampy ny fitaizana maha olona koa izany: hahay mihafy, hahay mikarataka mba tsy ho very mandeha, hahaleo tena ary hahalala ny tontolon’ny fiarahamonina, ho tia tanindrazana sy hatahotra an’Andriamanitra.

• Izany rehetra izany mitambatra no lasitra nibeazanay mianadahy avy. Ekeko marina ankehitriny fa ny fanolokoloana sy fanabeazana ao an-tokantrano toy izay natao taminay, no antoka voalohany hahafirenena vanona ny firenena. Raha tsy any amin’ny andron’ny fahazazana no voataiza ny zanaka mba hahalala ny sori-dalana tiana halehany dia firenena poakaty feno tsangan’olona tsy misy ilana azy ny firenena.

Jereo koa

• Lisitry ny mpanoratra malagasy

Rohy ivelany

• https://poetawebs.e-monsite.com/pages/fakafaka/page-35.html