Elie Rajaonarison
I Elie Rajaonarison dia mpanoratra malagasy, teraka tamin' ny 15 novambra 1951 tao Ambatondrazaka. Niteraka telo vavy tamin'i Mamisoa Ramananarivo izy.
Poeta sy mpanoratra ary niaro tanteraka ny kolontsaina sy fomba malagasy ny tenany. Amin'ireo mpanoratra nanangana ny Faribolana Sandratra mba ho fampiroborobona ny poezia teo anivon'ny tanora. Voalaza ho nanaitra sy nisarika poeta sy mpanankato malagasy maro noho ny fisehony matetika nitondra ireo sangan'asany, tao amin'ny Centre Germano-Malgache (CGM) tao Antananarivo.
Maro ny tononkalo nosoranan'i Jacques Prévert no nadikany tamin'ny teny malagasy. Mpanoratra tantara an-tsehatra ihany koa Elie Rajaonarison, anisany nahafatarana azy ilay tantara mitondra ny lohanteny hoe Tana-Cergy.
Ny 27 novambra 2010 no nodimandry teo amin'ny faha 59 taonany i Elie Rajaonarison.