Dokotera

Ny dokotera dia olona nahazo taratasy fahafahana mitsabo izay nandia fianarana sy nandalina ny fikarohana momba ny fitsaboana sy fahasalamana ka afa-panadinana ny maha-dokotera azy. Antsoina ihany koa hoe mpitsabo ny dokotera.

1. Ny fianaran'ny tena mpitsabo dia eo amin'ny 8 taona eo. A
2. Ny olona nandia fianarana sy nanao fikaroana amin'ny taranja iray ka afaka fanadinana sy nahazo diplaoma dia azo lazaina koa hoe dokotera amin'ilay taranjany.

Asa sy andraikitra

Anisan’ny andraikitry ny dokotera ny:

• Mandray sy manadihady marary
• Manao fitiliana sy mametraka diagnostika
• Manome fitsaboana sy fanafody
• Manao fandidiana (raha manam-pahaizana amin’izany)
• Manome torohevitra momba ny fomba fiaina ara-pahasalamana
• Miaro ny fahasalaman’ny daholobe amin’ny alalan’ny fanabeazana sy fandraisana anjara amin’ny politika ara-pahasalamana

Karazana dokotera

Misy karazany maro ny dokotera arakaraka ny sampana hiasany, ohatra:

• Dokotera mpitsabo ankapobeny (Généraliste): mandray marary amin’ny ankapobeny sy manome fitsaboana fototra.
• Mpandidy: manao fandidiana sy manaraka marary aorian’ny fandidiana.
• Pédiatre: mitsabo zaza
• Psychiatre: mitsabo ny aretin-tsaina.

Anjara toerany eo amin'ny fiarahamonina

Tena zava-dehibe ny anjara toeran’ny dokotera amin’ny fiarovana sy fanatsarana ny fahasalaman’ny olombelona. Amin’ny fotoanan’ny valan’aretina na loza voajanahary, dia anisan’ny miasa indrindra amin’ny famonjena ain’olona ny asan’ny dokotera.

Fehiny

Ny dokotera dia anisan’ireo olona manan-danja amin’ny fiarahamonina. Miorina amin’ny fahaizana ara-tsiansa, traikefa, ary etika matihanina ny asany. Noho izany, dia mitaky fanajana, fanohanana, ary fepetra iasana mendrika ho azy ireo ny fiarahamonina.

Dentiste_Hôpital_Cameroun_12