Dipoavatra (voany)

Avy amin'i Wikipedia
(tonga teto avy amin'ny Dipoavatra)
Aller à la navigation Aller à la recherche
Voan-dipoavatra

Ny dipoavatra dia voan-javamaniry fanatsarana tsiron-kanina somary mafana avy amin' ny zavamaniry mitovy anarana aminy, izay vahy . Telo ny karazana dipoavatra fantatra, dia ny dipoavatra mainty (PIper nigrum), izay ahazoana ny dipoavara maitso, fotsy, mena na mainty, sy ny dipoavara kobeba (peper cubeba) ary ny dipoavatra lava (Piper longum), nefa ao koa ny dipoavatra voatsiperifery (Piper borbonense).

Karazana dipoavatra fampiasa amin' ny sakafo[hanova | hanova ny fango]

Ny karazana telo atao hoe Piper nigrum sy Piper cubeba ary Piper longum no fantatra indrindra amin'ny fikarakarana sakafo ka antsoina hoe "dipoavatra". Ao koa ny Piper borbonense.

Piper nigrum[hanova | hanova ny fango]

Ny dipoavatra mainty (Perer nigrum) dia avy any Malabar any India, izay volena amin' ny faritra manana toetanin-jana-pehin-tany mba hahazoana ny voany mba hanatsarana ny sakafo amin' ny alalan'ny tsirony mafanafana.

Piper longum[hanova | hanova ny fango]

Piper longum ("Dipoavatra lava")

Ny dipoavatra lava (Piper longum) dia dipoavatra avy any India, izay maniry hoazy eny antsisin' ny tendrombohitra Himalaya. Mafana kokoa ny tsiron'ny dipoavatra lava sady somay mamimamy nefa tsy mahery tahaka ny dipoavatra mainty.

Piper cubeba[hanova | hanova ny fango]

Ny dipoavatra kobeba (Piper cubeba) dia karazana dipoavatra avy any Azia Atsimo-Atsinanana. Mahery kokoa noho ny dipoavatra mainty ny tsirony, ao amin' ny vovoka karỳ (curry) no tena ampiasana azy. Azo hanina mivantana amin' ny fitsakotsakoana ny voany ny dipoavatra kobeba ka mamela tsiro toa mangatsiatsiaka ao anaty vava.

Piper borbonense

Dipoavatra voatsiperifery

Ny dipoavatra voatsiperifery (Piper borbonense) dia karazana dipoavatra hita aty Madagasikara izay maniry hoazy nefa azo ampiasaina hanatsarana ny tsiron-tsakafo.

Jereo koa[hanova | hanova ny fango]