Amôrita

Avy amin'i Wikipedia
(tonga teto avy amin'ny Amorita)

Ny Amôrita na Amôreana dia vahoaka semitika mpivezivezy nanomboka tamin' ny taonarivo faha-3 tal. J.K. tao amin' ny tany misy zavamaniry zeny sy tao amin' ireo tendrombohitra ao Siria ao andrefan' i Mesôpôtamia (na Mezôpôtamia). Niditra tsikelikely tany Mesôpôtamia ny Amôrita ka nikarama nanao miaramila na nanao asa hafa tamin' ny tanin' ny mpifanila vodirindrina aminy, nandroba tanàna na nonina tamin' ny tanànany toa an' i Kisy, i Larsa (na Laraga na Laraka), i Sipara (na Sipira), i Mary, i Asora, sns. Nisy fianakaviana nanjaka tao Babilôna teo anelanelan' ny taona 1894 sy 1595 tal. J.K. izay nampiray an' i Mesôpôtamia tamin' ny andron' ny mpanjaka Hamoraby (taona 1793 hatramin' ny 1750 tal. J.K.).