Hijery ny fangon'i Jôsia (mpanjakan' i Jodà)

[[Sary:Schnorr von Carolsfeld Bibel in Bildern 1860 123.png|vignette|253x253px|''Nitomany i Josia rehefa novakina taminy ny Bokin' ny Lalàna'' - sary nataon' i Julius Schnorr von Carolsfeld - taona 1858.]]
I '''Jôsia''' na '''Jôsiasa''' dia mpajaka faha-16 tao amin' ny [[Fanjakan' i Jodà]] nandimby an' i [[Amôna (mpanjakan' i Jodà)|Amôna]]. Nanjaka tamin' ny taona 639 hatramin' ny 609 tal. J.K. nahafaty azy atao [[Megidô]] tamin' ny ady nifanaovany tamin' ny farao [[Nekô II]]. Izy no rain'ny mpajakan' i Jodà telolahy izay nandimby azy, dia i Jôahaza sy i [[Jôiakima]] (na Jôakima) ary i [[Zedekia]]. Niara-belona taminy ny mpaminany [[Zefania (mpaminany)|Zefania]] (na Sôfônia) ary natao hoe [[Davida (mpanjaka)|Davida]] vaovao.

== Tantarany ==
Araka ny [[Boky faharoan' ny Mpanjaka]] dia nandidy ny hanarenana ny fahasimban' ny [[Tempolin'i Jerosalema|Tempolin' i Sôlômôna]] i Jôsia tamin' ny  faha-18 taona nitondrany. Tamin' izany no nilazan'ny mpisoronabe [[Helkia]] (na Helkiasa) fa nahita ny ''Bokin' ny Lalàna'' tao an-tempoly (2Mpanj. 22.8). Rehefa avy novakina ilay boky dia nitomany i Jôsia ka naniraka haka hevitra amin' Andriamanitra satria heveriny fa tsy nanaraka ny lalàn' Andriamanitra hatry ny ela ny fanjakàny.

Niteny tamin' ny mpaminanivavy atao hoe Holda ireo mpanompon' i Jôsia. Nanambara io mpaminany io fa manameloka ny [[Fanjakan' i Jodà]] Andriamanitra nefa tsy hahita izay loza izany i Jôsia izay niverina nanaraka ny Lalàna. Nasain' i Jôsia novakina tamasom-bahoaka tao an-tempoly ilay boky ary nampamongoriny ireo fanompoam-pivavahana izay nifanohitra amin' ny Lalàn' i Iahveh teo amin'ny fanjakàny. Narodany ny sarin-tsampy sy ireo fitoerana fanompoam-pivavahana ary nofoanany ireo mpisoron' izany fivavahana izany. Izany no atao hoe "[[fanavaozam-pivavahan' i Jôsia]]". Nopotehiny ny ombilahy kely volamena naorin' i [[Jerôbôama I]] mpanjakan' i Israely tao [[Betela]] telonjato taona lasa izay. Nandidy ny vahoakany hankalaza ny firavoravoan' ny ''[[Paska jiosy|Pesah]]'' (Paska jiosy) ka tamin' ny fomba farany izay tsara izay tsy nisy hatramin' ny vanimpotoan' ny [[Mpitsara ao amin' ny Baiboly|mpitsara]] no nanatanterahana izany.
[[Sary:Francesco Conti - Death of King Josiah.jpg|vignette|''Ny nahafatesan' ny  mpanjaka Josia,'' sary nataon' i Francesco Conti]]
Milaza ny [[Baiboly]] fa i Josia no mpanjaka faran' izay sarotiny tamin' ny fanarahana ny [[Lalàn' i Mosesy]] (na lalàn' i Moizy). Tsy ampy hifandanja amin' ny fanaovan' i [[Manase]], mpanjakan' i Jodà sady raibeny, tsinontsinona an' i [[Iahveh]] Andriamanitr' i Israely anefa izany.

Tamin' ny ady nifanaovan' ny tafik' i Jodà tamin' ny [[farao]] [[Nekao II]] dia maty tao [[Megidô]] i Jôsia ka nentina tany [[Jerosalema (Andro Taloha)|Jerosalema]] ary nalevina ao.

== Jereo koa ==

* [[Fanjakan' i Jodà]]
'''Mpanjakan' i Jodà'''

[[Saoly]] - [[Isbôseta]] - [[Davida (Baiboly)|Davida]] - [[Sôlômôna]] (na Salômôna) - [[Rehôbôama]] (na Rôbôama) - [[Abiama]] (na Abia) [[Asa (mpanjakan' i Jodà)|- Asa]] - [[Jôsafata]] - [[Jehôrama (mpanjakan' i Jodà)|Jehôrama]] (na Jôrama) - [[Ahazia (mpanjakan' i Jodà)|Ahazia]] (na Ôkôziasa) - [[Atalia]] - [[Jôasy (mpanjakan' i Jodà)|Jôasy]] (na Jôasa) - [[Amazia]] (na Amaziasa) - [[Ozia]] (na Oziasa na [[Azaria]] na Azariasa) - [[Jôtama]] - [[Ahaza]] (na Akaza) - [[Hezekia]] (na Ezekiasa) - [[Manase]] - [[Amôna (mpanjakan' i Jodà)|Amôna]] - [[Jôsia (mpanjakan' i Jodà)|Jôsia]] (na Jôsiasa) - [[Jôahaza (mpanjakan' i Jodà)|Jôahaza]] (na Jôakaza) - [[Jôiakima]] (na Jôakima) - [[Jôiakina]] (na Jôasina na [[Jôiakina|Jekônia]] na Jekôniasa) - [[Zedekia]] (na Sedekiasa).