Hijery ny fangon'i Jakôba (patriarka hebreo)

[[Sary:Leloir - Jacob Wrestling with the Angel.jpg|vignette|''Mitolona amin' ny Anjely i Jakôba'', sary nataon' i Alexandre-Louis Leloir (1865)|311x311px]]I '''Jakôba''' dia lehilahy voalaza ao amin' ny [[Baiboly]], zanak' i [[Isaaka (zanak' i Abrahama)|Isaaka]] sy rahalahin' i [[Esao]]. Anisan' ny [[Patriarka (ao amin' ny Baiboly)|Patriarka]] nanao fanekena tamin' Andriamanitra izy. I Jakôba dia antsoina koa hoe Israely taorian' ny fitolomany tamin' ny [[Anjelin' ny Tompo|anjelin' Andriamanitra]] ka ny taranany dia atao hoe [[Israelita]] na [[Zanak' i Israely]].  
Nanompo [[Mônôteisma|andriamanitra tokana]] izy ka nandova ny fampanantenana natao tamin' ny razany, dia ny hanana taranaka maro izay homena tany mahavokatra, dia ny tany [[Kanaana (faritra)|Kanaana]]. Nanambady efatra izy ka niteraka ny zanilahy nipoiran' ny [[Fokom-pirenen' i Israely|foko roa ambin' ny folo]]. Niharan' ny fanandevozana tany [[Ejipta tamin' ny Andro Taloha|Egipta]] ny taranany alohan' ny honenan' izy ireo any amin' ny tany nampanantenaina azy. Tsy ny [[Baiboly]] ihany no ahitana ny tantaran' i Jakôba fa ny boky masina sasany toy ny [[Kor'any]] koa.

[[Fampirafesana|Nampirafy]] i Jakôba ka ireto ny vehivavy niterahany: i [[Lea (vadin' i Jakôba)|Lea]] sy i [[Rahely]] sy i [[Zilpa]] ary i [[Bila]]. Ny roa voalohany, izay mpirahavavy zanak' i Labàna, no tena vadiny fa ny roa farany dia mpanompo vaviny.

Ireto avy ny zanak' i Jakôba tamin' ireo vehivavy efatra ireo: 

* i Lea niteraka an' i [[Robena]], i [[Simeôna (zanak' i Jakôba)|Simeôna]], i [[Levy (zanak' i Jakôba)|Levy]], i [[Jodà (zanak' i Jakôba)|Jodà]], i [[Isakara]] ary i [[Zebolôna]] (na Zabolôna); 
* i Bila niteraka an' i [[Dana]] sy i [[Naftaly]] (na Neftaly); 
* i Zilpa niteraka an' i [[Gada]] sy i [[Asera]]; 
* i Rahely niteraka an' i [[Jôsefa (zanak' i Jakôba)|Jôsefa]] sy i [[Benjamina]]. Izy ireo no nanjary razamben' ny foko roa ambin' ny folon' i Israely. Tsy nanana zanakavavy afa-tsy i [[Dina]] i Jakôba, dia ilay zanany tamin' i Lea.

== Jereo koa ==

* [[Fokom-pirenen' i Israely|Fokon' i Israely]]
* Ny zanak' i Jakôba: [[Robena]] - [[Simeôna (zanak' i Jakôba)|Simeôna]] - [[Levy (zanak' i Jakôba)|Levy]] - [[Jodà (zanak' i Jakôba)|Jodà]] - [[Dana]] - [[Naftaly]]- [[Gada]] - [[Asera]] - [[Isakara]] - [[Zebolôna]] - [[Jôsefa (zanak' i Jakôba)|Jôsefa]] - [[Benjamina]] - [[Dina]]
*Ny vadin' i Jakôba: [[Lea (vadin' i Jakôba)|Lea]] - [[Rahely]] - [[Bila]] - [[Zilpa]]

* [[Mpaminanin' i Israely]]
* [[Mpaminanin' ny kristianisma]]
* [[Mpaminanin' ny silamo]]