Hijery ny fangon'i Emirata Arabo Mitambatra

[[Sary:Flag of the United Arab Emirates.svg|vignette|355x355px|Sainan' ny Emirata Arabo Mitambatra]]
[[Sary:United Arab Emirates (orthographic projection).svg|vignette|Ny toerana misy ny Emirata Arabo Mitambatra]]
Ny '''Emirata Arabo Mitambatra''' dia fanjakana federaly niforona tamin' ny taona 1971, izay hita ao [[Atsinanana Afovoany|Atsinanana-Afovoany]] eo anelanelan' ny [[Hoala Persika]] sy ny [[Hoalan' i Ômàna]]. Izao avy ny [[emirata]] miisa fito mamorona azy: [[Abu Dhabi (emirata)|Abu Dhabi]], [[Dubai (emirata)|Dubai]], [[Sharjah (emirata)|Sharjah]], [[Ajman (emirata)|Ajman]], [[Umm al-Qaiwain (emirata)|Umm al-Qaiwain]], [[Fujairah (emirata)|Fujairah]] ary [[Ras al-Khaimah (emirata)|Ras al-Khaimah]]. Ny tanànan' i [[Abu Dhabi]] no renivohitra iraisany. Atao hoe [[Emiriana (vahoaka)|Emiriana]] na [[Emiraty (vahoaka)|Emiraty]] ny vahoaka ao aminy.
[[Sary:UAE en-map-2.png|vignette|Sarintanin' ny Emirata Arano Mitambatra]]
Atao hoe الإمارات العربية المتحدة / ''al-imārāt al-ʿarabiyyat al-muttaḥida'' na دولة الإمارات العربيّة المتّحدة / ''dawlat al-imārāt al-ʿarabiyyat al-muttaḥida'' izy amin' ny [[Fiteny arabo|teny arabo]].

Anisan' ny firenena mpamokatra sy mpanondrana [[solitany]] be indrindra ny Emirata Arabo Mitambatra. Ny emiratan' i Abu Dhabi, izay efa tao amin' ny [[Fikambanan' ny Firenena Mpanondrana Solitany]] talohan' ny niforonan' ny Emirata Arabo Mitambatra, no ahitana tahirin' [[Etona voajanahary|etona]] sy tahirin-tsolitany lehibe indrindra, Ireo emirata fito mitambatra ao ireo dia tsy mitovy raha ny fananana solitany no resahina. Nivadika nitrandraka loharanon-karena hafa ny Emiratan' i Dubai taty aoriana, ka anisan' izany ny [[seranan-tsambo]] afa-kaba, ny haitao vaovao, ary indrindra ny [[fizahàn-tany]]. Lasa renivohitra ara-toekaren' ny Emirata Arabo Mitambatra koa ny tananan' i [[Dubai]].

== Ny fizaràn' ny tanin' ny Emirata Mitambatra ==
Mizara ho [[emirata]] fito, izay ahitana faritra maromaro nofoanana ny sisin-taniny nefa manjavozavo indraindray ny fiandrianany, ny Emirata Arabo Mitambatra.

* Ny [[Abu Dhabi (emirata)|Emiratan' i Abu Dhabi]] no lehibe indrindra amin' izy fito. Ahitana an' i [[Abu Dhabi]] izay renivohitr' ilay firenena. Mirefy 67&nbsp;340 <abbr>km<sup>2</sup></abbr> ny velarany sady misy mponina miisa 2,78 tapitrisa tamin' ny taona 2015.
* Ny [[Dubai (emirata)|Emiratan' i Dubai]] dia manana velarana 3&nbsp;885 km<sup>2</sup>, manana morontsiraka ao amin' ny [[Hoala Persika]], misy mponina miisa 3&nbsp;478&nbsp;300 tamin' ny taona 2021. Ao no ahitana ny tanàna malazan' i [[Dubai]].
* Ny [[Sharjah (emirata)|Emiratan' i Sharjah]] dia mirefy 2&nbsp;590 km<sup>2</sup> ary misy mponina mihoatra ny 1&nbsp;400&nbsp;000 tamin' ny taona 2015.
* Ny [[Ajman (emirata)|Emiratan' i Ajman]] dia manana velarana mirefy 259 km<sup>2</sup> sy mponina miisa 504&nbsp;846 tamin' ny taona 2017. Any amin' ny morontsiraky ny [[Hoala Persika]] no misy an' i Ajman.
* Ny [[Umm al-Qaiwain (emirata)|Emiratan' i Umm al-Qaiwain]] any amin' ny tapany avaratr' ilay firenena, nisy mponina miisa 72&nbsp;000 tamin' ny taona 2007 ary mirefy 770 km<sup>2</sup>.
* Ny [[Fujairah (emirata)|Emiratran' i Fujairah]] mirefy 1&nbsp;166 km<sup>2</sup> sady misy mponina miisa 256&nbsp;256 tamin' ny taona 2019.
* Ny [[Ras al-Khaimah (emirata)|Emiratran' i Ras Al Khaimah]] mirefy 2&nbsp;486 km<sup>2</sup> sady nisy mponina 345&nbsp;000 eo ho eo tamin' ny taona 2015.

== Jereo koa ==

* '''Firenena ao Azia:''' [[Afganistàna]] - [[Arabia Saodita]] - [[Armenia]] - [[Azerbaijàna]] - [[Bangladesy]] - [[Bareina]] - [[Botàna]] - [[Broney]] - [[Emirata Arabo Mitambatra]] - [[Filipina]] - [[Iemena]] - [[India]] - [[Indônezia]] - [[Iràka]] - [[Iràna]] - [[Israely]] - [[Japàna]] - [[Jôrdania]] - [[Kambôdia]] - [[Katara]] - [[Kazakstàna]] - [[Kirgizistàna]] - [[Kôety]] - [[Kôrea Atsimo]] - [[Kôrea Avaratra]] - [[Laôsy]] - [[Libàna]] - [[Maldiva]] - [[Malezia]] - [[Mianmara]] - [[Môngôlia]] - [[Nepaly]] - [[Ômàna]] - [[Ozbekistàna]] - [[Pakistàna]] - [[Palestina (fanjakana)]] - [[Rosia]] - [[Sina]] - [[Singaporo]] - [[Siria]] - [[Srilanka]] - [[Tailandy]] - [[Taioàna]] - [[Tajikistàna]] - [[Torkia]] - [[Torkmenistàna]] - [[Vietnamy]].

* '''Kôntinenta eto an-tany'''
** [[Afrika]]
** [[Amerika]] ([[Amerika Avaratra]] - [[Amerika Atsimo]])
** [[Azia]]
** [[Eorôpa]]
** [[Ôseania]]
** [[Antarktika]]