Hijery ny fangon'i Ahazia (mpanjakan' i Jodà)

I '''Ahazia''' na '''Ôkôziasa''' dia iray amin' ireo mpanjakan' i [[Fanjakan'i Jodà|Jodà]], zanak' i [[Jehôrama (mpanjakan' i Jodà)|Jôrama]] sy i Atalia, araka ny [[Baiboly]]. Nanjaka nandritra ny iray taona izy tamin' ny taonjato faha-9 tal. J.K. Ny Baiboly dia milaza azy ho mpanjaka tsy tia vavaka. Tsy afangaro amin' i [[Ahazia (mpanjakan' i Israely)|Ahazia]] na Ôkôziasa mpanjakan'i Israely izy.

== Ny anarany ==
Amin' ny [[Fiteny hebreo|teny hebreo]] dia atao hoe אֲחַזְיָהוּ /''ʾĂḥazyāhû'' izy, fa amin' ny [[Fiteny grika|teny grika]] kosa dia ''᾿Οχοζίας'' / ''Ochozias'', ary amin' ny [[Fiteny latina|teny latina]] dia ''Ahazias.''

Ao amin' ny lahatsoratra hebreo sy ao amin' ny [[Volgata]] dia atao hoe ''Ahazia'' ny zanak' i [[Jehôrama (mpanjakan' i Jodà)|Jôrama]] nandimby azy teo amin' ny fitondrana. Atao hoe Jôahaza na Jôakaza izy ao amin' ny [[Boky faharoan' ny Tantara]] (2Tant. 21.17 sy 2Tant. 25.23), anarana izay azo avy amin' ny fampifamadihana ny singa mitambatra ao amin' ny anarany, dia ny hoe ''aḥz'' sy ny hoe ''yāhû'' na ''yĕhô'', izay manome ny anarana hoe ''יְהוֹאָחָז'' / ''Yĕhôʾāḥāz''  (''Jôahaza'') sady misolo ny hoe ''אֲחַזְיָהוּ'' /''ʾăḥazyāhû'' (''Ahazia'').

Ny anarana nosimbana endrika hoe ''Azaria'' (hebreo: עֲזַרְיָהוּ /''ʿĂzaryāhû'' dia hita koa ao amin' ny Boky faharoan' ny Tantara (2Tant. 22.64). Ao amin' ny [[Septoaginta|Septoajinta]] dia atao hoe ᾿Οχοζίας / ''Ochozias'' izy, afa-tsy ao amin' ny 2Tant. 25.23 izay iantsoana azy hoe ᾿''Ιωάχαζ'' / ''Iôachaz'' (''Jôahaza'' na ''Jôakaza'') sahala amin' ny dikan-teny hebreo.

Ny dikan-teny amin' ny fiteny isam-paritra na isam-pirenena dia indraidray manakaiky ny fanononana hebreo fa indraindray koa manakaiky ny fanononana grika.

== Jereo koa ==

* [[Mpanjakan'i Jodà]]
'''Mpanjakan' i Jodà'''

[[Saoly]] - [[Isbôseta]] - [[Davida (Baiboly)|Davida]] - [[Sôlômôna]] (na Salômôna) - [[Rehôbôama]] (na Rôbôama) - [[Abiama]] (na Abia) [[Asa (mpanjakan' i Jodà)|- Asa]] - [[Jôsafata]] - [[Jehôrama (mpanjakan' i Jodà)|Jehôrama]] (na Jôrama) - [[Ahazia (mpanjakan' i Jodà)|Ahazia]] (na Ôkôziasa) - [[Atalia]] - [[Jôasy (mpanjakan' i Jodà)|Jôasy]] (na Jôasa) - [[Amazia]] (na Amaziasa) - [[Ozia]] (na Oziasa na [[Azaria]] na Azariasa) - [[Jôtama]] - [[Ahaza]] (na Akaza) - [[Hezekia]] (na Ezekiasa) - [[Manase]] - [[Amôna (mpanjakan' i Jodà)|Amôna]] - [[Jôsia (mpanjakan' i Jodà)|Jôsia]] (na Jôsiasa) - [[Jôahaza (mpanjakan' i Jodà)|Jôahaza]] (na Jôakaza) -[[Jôiakima]] (na Jôakima) - [[Jôiakina]] (na Jôasina na [[Jôiakina|Jekônia]] na Jekôniasa) - [[Zedekia]] (na Sedekiasa).