Kutub al-Sittah

Boky mirakitra hadita

Ny Kutub al-Sitta (atao amin' ny teny arabo hoe ٱلْكُتُب ٱلسِّتَّة / al-Kutub al-Sitta, midika hoe "ny boky enina") dia boky enina mirakitra angona hadita (teny na asa nataon' ny mpaminany silamo Mohamady) natambatry ny manam-pahaizana mozilmana sonita enina tamin' ny taonjato faha-9, tokony ho taonjato roa taorian' ny nahafatesan' i Mohamady. Indraindray izy ireo dia antsoina hoe al-Sihah al-Sittah, izay midika hoe "ny enina tena izy".

Ny boky fahenina dia iadian-kevitra ao amin' ny fanangona-didy solon-dalàna sonita. Izy ireo dia navondrona amin' ny fomba ôfisialy voalohany sy nofaritan' i Ibn al-Qaisarani tamin' ny taonjato faha-11, izay nanampy ny Sunan ibn Majah ho ao anaty lisitra. Indrindraindrindra, ny Malikis sy i Ibn al-Athir dia mihevitra ny al-Muwatta ho boky fahenina. Noheverin' ny manam-pahaizana sasany ho boky fahenina koa ny Sunan al-Daraqutni.

Ny anton' ny Sunan Ibn Majah dia noho izy mirakitra hadita maro izay tsy tafiditra ao anatin' ny dimy hafa, fa ny hadita rehetra ao amin' ny al-Muwatta' dia hita ao amin' ny boky Sahih hafa.

Ny lanjany

Ny Mozilmana sonita dia mihevitra ny fanangonana hadita lehibe enina ho zava-dehibe indrindra, na dia miovaova aza ny filaharan' ny maha azo itokiana azy ireo eo amin' ny madhhab (sekolin-dalàna):

1. ny Sahih al-Bukhari, nangonin' ny imam Bukhari (maty tamin' ny taona 870), ahitana hadita miisa 7 563 (misy famerimberenana, manodidina ny 2 600 raha tsy misy famerimberenana);
2. ny Sahih Muslim, nangonin' i Muslim b. al-Hajjaj (maty tamin' ny taona 875), ahitana hadita miisa 7 500 (misy famerimberenana, manodidina ny 3 033 raha tsy misy famerimberenana);
3. ny Sunan al-Sughra, nangonin' i al-Nasa'i (maty tamin' ny taona 915), ahitana hadita miisa 5 270 (misy famerimberenana);
4. ny Sunan Abu Dawud, nangonin' i Abu Dawud (maty tamin' ny taona 888), ahitana hadita miisa 5 274 (misy famerimberenana);
5. ny Sahih al-Tirmidhi, nangonin' i al-Tirmidhi (maty tamin' ny taona 892), ahitana hadita miisa 4 400 (misy famerimberenana, 83 ihany no raha tsy miverimberina);
6. ny Sunan ibn Majah, nangonin' i Ibn Majah (maty tamin' ny taona 887), ahitana hadita miisa 4 341 (misy famerimberenana).

Ny roa voalohany, izay matetika antsoina hoe Sahih Roa ho famantarana ny maha azo itokiana azy, dia mirakitra hadita eo amin' ny fito arivo raha tsy isaina ny famerimberenana, araka ny voalazan' i Ibn Hajar.

Jereo koa

• Sonà (Sunna)