Ambohimanga
Avy amin'i Wikipedia
Ambohimanga dia anisan'ny vohitra masina roa ambin'ny folo ao Imerina. Miala dimy ambin'ny folo kilometatra an'Antananarivo no misy azy. Toerana fonenan'ny mpanjaka sy ny mponina taloha amin'ny faritr'Imerina. Manana tantara sy tahiry maro io toerana io. Nanomboka tamin'ny taona 2001 dia toerana ao anatin'ny tahiry iraisam-pirenena UNESCO ity (UNESCO World Heritage Site). Misy ny rova azo tsidiana. Tao amin'io tanàna io no nahaterahan'Imboasalama izay lasa Andrianampoinimerina taty aoriana. Mifefy tamboho izay vita amin'ny akoran'atody io Rova io.
