Tovolahy (sikidy)

Ny Tovolahy, Saily na Sely, araka ny fanaovana sikidy malagasy, dia ny tsanganan-tsikidy fahefatra ambin' ny folo, anisan' ny tsanganan-tsikidy valo atao hoe tera-tsikidy. Vokatry ny fampifanampiana ny soratry ny Asorotany sy Lalana ny Tovolahy, izay manondro ny vahoaka.

Fanasokajiana

Anisan' ny tsanganan-tsikidy valo atao hoe tera-tsikidy, izay apetraka any amin' ny fàfana faharoa eo ambanin' ireo atao hoe renin-tsikidy, ny Tovolahy.

Fomba fahazoana ny Tovolahy

Misy vaniny efatra toy ny tsanganan-tsikidy malagasy rehetra ny Tovolahy: "lohany" sy "tratrany" sy "vaniany" ary "tongony". Mba hahazoany ny soratry ny Tovolahy dia manambatra ny isam-boan-tsikidy ao amin' ny soratry ny Asorotany sy Lalana ny mpisikidy, ka ny fitambaran' ny lohan' ireo tsanganan-tsikidy roa ireo no lohany, ny fitambaran' ny tratran' ireo tsanganan-tsikidy roa ireo no tratrany, ny fitambaran' ny vanian' ireo tsanganan-tsikidy roa ireo no vaniany, ary ny fitambaran' ny tongotr' ireo tsanganan-tsikidy roa ireo no tongony.

Fampifanampiana ny soratry ny Tovolahy

Ny fampifanampiana ny soratry ny tsanganana Ombiasa sy ny an' ny Tovolahy no ahazoana ny tsanganana Zanahary (tsanganana faha-12).

Hevitry ny hoe Tovolahy

Manondro ny vahoaka ny Tovolahy na Saily. Ny Tovolahy dia mety hisehoan' ny iray amin' ny sora-tsikidy enina ambin' ny folo toy ny Tareky (1 1 1 1), ny Jama na Asombola (2 2 2 2), ny Asorasady (2 2 1 1), ny Alahasady (1 1 2 2), ny Alitsimay (2 1 1 2), sns. Ny fanakarana ny hevitry ny soratry ny Tovolahy no ahazoana ny mombamomba ny "vahoaka".

Jereo koa

• Tsanganan-tsikidy: Tale, Maly, Fahatelo, Bilady, Fianahana, Abily, Alisay, Fahavalo, Fahasivy, Ombiasa, Haja, Zanahary (na Haky), Asorotà, Tovolahy ( na Saily), Lalana, Trano (na Kiba).

Tahirin-kevitra azo anovozana

Boky

• Chemillier, Marc, Denis Jacquet, Victor Randrianary & Marc Zabalia, 2005, "L'art des devins à Madagascar", Pour la science 47 : Mathématiques exotiques : 90-95.
• Dandouau (André.), "Ny fahombiazan' ny sikidy" in Bulletin de l'Académie Malgache, Tananarive, 1908 (pp. 62-72).
• Decary (Raymond), La divination malgache par le sikily, Paris, Publication du Centre Universitaire des Langues Orientales vivantes (Volume IX), 1970. ELIADE (Mircea), Le sacré et le profane, Paris, Gallimard, 1965.

• Decary, Raymond, avec la collab. de Marcelle Urbain-Faublée, 1970, La Divination malgache par le Sikidy. Paris, Paul Geuthner.

• Rabedimy (Jean François), Pratiques de divination à Madagascar ; Techniques du Sikily en Pays Sakalava Menabe, Travaux et Documentation de l’ORSTOM (N°51), PARIS, 1976
• Russillon (Henri), "Le sikidy malgache" in Bulletin de l’Académie Malgache, (Vol VI), Tananarive, 1908-1909 (p.p. 115-162).
• Sibree, James (June 1862). "Divination among the Malagasy, Together with Native Ideas as to Fate and Destiny". Folklore. 3 (2): 193–226.

Rohy ivelany

• La divination sikidy à Madagascar Archived Janoary 30, 2020 at the Wayback Machine ()
• "Sikidy", Anthropomada.com

• Skinner, Stephen (1980-01-01). Terrestrial astrology: Divination by geomancy (PDF) (1st ed.). London ; Boston: Routledge & Kegan Paul.
• "Ny sikidy (PDF)", madarevues.recherches.gov.mg
• Jean François Rabedimy sy Etienne Razafindehibe, Cours N°1 : "La divination au quotidien : le sikidy et ses formes symboliques ", www.anthropomada.com
• Jean François Rabedimy sy Eugène Régis Mangalaza, Cours N°2 : "La divination au quotidien : le sikidy et ses formes symboliques ", www.anthropomada.com
• Jean François Rabedimy sy Eugène Régis Mangalaza, Cours N°3 : "La divination au quotidien : le sikidy et ses formes symboliques ", www.anthropomada.com
• Jean François Rabedimy sy Eugène Régis Mangalaza, Cours N°4 : "La divination au quotidien : le sikidy et ses formes symboliques ", www.anthropomada.com
• J. F. Rabedimy, "Pratique de divination à Madagascar (PDF)", madadoc.irenala.edu.mg