Wikibolana
Ny wikibolana dia tetikasa iray ny wikimedia Foundaion. Ny tanjon'io tetikasa an'i Wikimedia Foundation io dia mamorona raki-bolana malalaka, izany hoe raki-bolana azo ovaina malalaka ary manana votoatiny azo zarazaraina araka ny lisansa malalaka Creative Commons.
Ny antom-pisian'ny raki-bolana Wikibolana dia manao raki-bolana mamisavisan'ny teny rehetra ampiasain'ny fiteny malagasy, na manome dikan-teny amin'ny teny malagasy ny teny iditra amin'ny fiteny vahiny. Amin'ny farany, ny tetikasa wikibolana dia tokony manome haiendriteny amin'ny fiteny wolof an'ny teny ampiasain'ny fiteny inuktitut.
Ny wikibolana amin'ny fiteny malagasy dia sampana amin'ny teny malagasy an'io tetikasa io, dikan'izany ao aminy no misy ny teny ary ny fanazavana mikasikan'ny teny amin'ny fiteny malagasy. Fa ao avokoa ny tenin'ny fiteny rehetra ary azo hazavaina na dikaina izy ao.
Ny fanazavana ny teny iditra dia feno miaraka amin'ny etimolojia, ny fanononana, ny tikan-teny ary ny isan'ny teny mitovy dika. Ary ny matoanteny dia manana ny pejy mikasika ny fitanisana azy.
Votoatiny |
[hanova] Tantara
Ny wikibolana amin'ny teny malagasy ankehitriny dia wikibolana fahatelo lehibe indrindra amin'ny wikibolana izay misy, aorian'ny Wikibolana amin'ny teny anglisy ary amin'ny teny frantsay. Ny Wikibolana amin'ny teny sinoa no wikibolana lehib indrindra aorian'ny wikibolana amin'ny teny malagasy.
Ny nahabe ny wikibolana amin'ny teny malagasy dia ny fampidirana teny iditra ho azy avy amin'ny matoanteny amin'ny fiteny volapoky. Fito hetsy eo ho eo no isan'ny teny iditra amin'ny teny volapoky ary ny sisa dia teny iditra amin'ny teny latina, italiana, anglisy ary latina. Ny isan'ny teny iditra mahakasika ny teny malagasy dia misy eo amin'ny roa alina eo ho eo.
[hanova] Fitomboana
- Tamin'ny 2005 ny Wikibolana amin'ny teny malagasy no noforonona.
- Tsy dia nisy ny fandraisan'anjara tamin'io Wikibolana io nandritry ny efa-taona.
- Ny taona 2010 no taona nahatongavan'i Jagwar. Ny Wikibolana amin'ny teny malagasy no lasa wiki lehibe indrindra, amin'ny teny malagasy ary amin'ny teny afrikana. Izy io dia vokatry ny fampidirana bikan'anarana sy endriky ny matoanteny isan-karazany, fa indrindra indrindra amin'ny teny volapoky.
- Nanomboka tamin'ny volana Martsa 2011, 1,2 tapitrisa eo ho eo ny isan'ny teny iditra amin'ny teny malagasy.
- Tamin'ny volana Jolay, nilatsaka ho valo hetsy ny isan'ny teny iditra tao amin'i Wikibolana noho ny famafana ireo teny amin'ny fiteny volapoky tsy misy mampiasa. Voadika tamin'ny teny malagasy koa ireo teny dimanjato miasa indrindra amin'ny fiteny vahiny.
[hanova] Tsikera avy amin'ny mpikambana avy amin'ny wikibolana hafa
Voatsikeran'ny mpikambana avy amin'ny wikibolana hafa, indrindra avy amin'ny teny anglisy, ny teny wikibolana amin'ny teny malagasy. I Jagwar irary no mpandray anjara ao miaraka amin'ny rôbôny io rôbô ampiasainy io no nampiditra ny teny iditra amin'ny teny volapoky. Ary voatery najanony io rôbôny io noho ny tsikera sy ny hataka nataon'ny mpikambana avy any amin'ny wikibolana hafa, noho ny tsifanajana ny zom-pamrona (tamin'ny alalan'ny fandikana votoatiny avy any amin'ny wiki hafa tsy nahazoana alalana) ; nisy lahatsoratra valo arivo tany ho any no nofafana noho ny tsifanajana ny zom-pamorona.
