Rabemananjara Jacques

Avy amin'i Wikipedia

Rabemananjara Jacques dia teraka tao Mangabe, Maroantsetra ny 13 Jiona 1913. Nodimandry ny 2 Aprily 2005 tao Frantsa tamin'ny faha-92 taonany. Nolehibiazina tamin'ny finoana katolika izy, ary nanohy fianarana teny amin'ny Sekoly ambony mpanomana ho pretra tao Antananarivo raha nihevitra hanolo-tena ho pretra ny taona 1927-1935. Niova làlana anefa izy ka lasa nirona tany amin'ny asa birao. Ny taona 1935 no nanombohany nirona betsaka tamin'ny politika sy ny literatiora.

Ny taona 1939 izy dia nalefa nisolo tena an'i Madagasikara tamin'ny fankalazana ny Revolisiona Frantsay tany Parisy. Noho ny ady mbola nafana tamin'io fotoana io dia tsy afaka nody izy ary nijanona tany hatramin'ny taona 1946. Tafiditra niasa tamin'ny Ministeran'ny Zanatany izy, ary nahazo ny zom-pirenena frantsay. Afaka nanohy fianarana tao amin'ny Sorbonne koa izy ka nahazoany ny diplaoma ambony momba ny Soratra.Tamin'io fotoana io no nifankahalalany tamin'i Léopold Sédar Senghor sy Alioun Diop.

Tamin'ny taona 1946 no nahalalany an'i Dokotera Raseta sy Ravoahangy ary tamin'izany no nitsimoka ny fananganana ny antoko MDRM (Mouvement Démocratique pour la Rénovation Malgache) izay nitana anjara toerana lehibe teo amin'ny tantaram-pirenena malagasy.

Ny asa-sorany[hanova | hanova ny fango]

Tononkalo:

  • Sur les marches du soir - 1940
  • Rites millénaires - 1955
  • Antsa - 1956
  • Lamba - 1956
  • Antidotes - 1961
  • Les ordalies, sonnets d'outre-temps - 1972
  • Œuvres complètes, poésie - 1972
  • Thrènes d'avant l'aurore : Madagascar - 1985
  • Rien qu'encens et filigranes - 1987

Ny boky navoakany[hanova | hanova ny fango]

  • Témoignage malgache et nationalisme - 1956
  • Nationalisme et problèmes malgaches - 1958