Governemanta

Avy amin'i Wikipedia

Ny governemanta, amin' ny ankapobeny, dia ny andrim-panjakana itambaran' ny manam-pahefana mitondra sy manara-maso ary mandraharaha ny raharaham-panjakana ao amin' ny firenena iray sady manana ny fahefana mpanatanteraka. Ny mpikambana ao amin' ny governemanta dia atao hoe minisitra na sekreteram-panjakana. Avy amin' ny teny grika hoe κυβερνάω / kubernao, izay midika hoe "mitondra", "mitazona ny familian-tsambo", ny teny hoe governemanta.

Ny governemanta no manapaka ary manatanteraka ny asa aman-tao ilaina amin' ny fitondrana ny firenena. Tompon' andraikitra manoloana ny olom-pirenena izay soloan' ny Antenimiera tena, na manoloana ny filohan' ny Repoblika izy, arakaraka ny karazana fitondram-panjakana misy eo amin' ny firenena.

Amin' ny siansa ara-tsôsialy, ny teny hoe governemanta dia ny fiantsoana izay rafitra mitondra firenena na fikambanana iray. Ny governemanta no mandrindra ny firenena.

Jereo koa[hanova | hanova ny fango]