Deboka
Ny deboka dia faritra amin' ny vohon' ny tany izay ambany kokoa raha mitaha amin' ny faritra manodidia sady manakatona azy izay misolampy midina mankany aminy. Mety misy farihy na mando lava ny deboka raha saroman-dafika tsy tantera-drano loatra. Ny Ranomasina Maty, izay any amin' ny 400 m ambanin' ny haambon' ny ranomasina no deboka iva indrindra eto an-tany.
Fiavian' ny deboka[hanova | hanova ny fango]
Maro ny zavatra miteraka ny deboka: ny fikaokan' ny tany (vokatry ny rivotra, ny korian-drano, ny ranomandry), ny fietrin' ny lafika ao ambany (toy ny fahita amin' ny tany sokay), ny fandonan' ny tain-kintana (meteôrita), ny vesatry ny soson-tany dilatra, fitresahan' ny tany izay mety miteraka hantsana, ny vesatry ny ranomandry, ny fipoahan' ny afotroa (volokano), sns. Mety mitohy amin' ny lohasaha ny deboka, mety ho ambany ranomasina koa. Mety hanana savaivo na halava mirefy metatra vitsy na kilometatra maro ny deboka. Mety hifampisolo amin' ny teny hoe lempona ny ny hoe deboka noho ny tsy fisiana famaritana hentitra.
Famaritana[hanova | hanova ny fango]
Ny deboka dia "toerana iva sy lemademaka voahodidin' ny havoana na tendrombohitra"[1]. Ny llempona kosa dia "faritra boribory miletsy noho ny asan'ny rano any amin' ny tany sokay"[2].
Jereo koa[hanova | hanova ny fango]
Loharano sy fanamarihana[hanova | hanova ny fango]
- ↑ Rajemisa-Raolison Régis, "Deboka" ao amin' ny Rakibolana malagasy, Ambozontany. Antananarivo, 1985.
- ↑ Service de la Logistique Pédagogique, "Lempona" ao amin' ny Voambolana malagasy-malagasy (frantsay), Ministère de l'Enseignement Secondaire et de l'éducation de Base, Antananarivo.1986.